Read Mizo Lushai Numbers 4 Bible Online

Numbers 4 - Mizo Lushai bible

Numbers 4

²“Levia chi zînga Kohata thlahte a chi leh chhûngkuaa thliarin,

³kum sawmthum aṭanga kum sawmnga inkâr, Inbiakna bûka hna thawk tlâk zawng zawng hming ziak chhuak rawh.

⁴Inbiakna bûka Kohata thlahte thawh tûr chu thil thianghlim berte enkawl a ni.

⁵“Awmhmun sawn dâwn apiangin Arona leh a fate chu bûk chhûngah an lût ang a, Hmun Thianghlim Ber pindan puanzâr chu an hlîp ang a, chu chuan Thuthlung Bâwm kha an khuh tûr a ni.

⁶Savun ṭha chiin an khuh leh ang a, chu chu puan dumpâwlin an khuh leh tûr a ni; chumi zawhah a zâwnfung an vuah ang.

⁷Chhang serh dahna dawhkân chungah puan dumpâwl an phah ang a, chutah chuan thlêng te, bêl te, berhbu te, uain thâwl leh a bun chhuahna tûr note chu an dah ang a; chatlak lova chhang serh dah ṭhin chu chutah chuan an dah tûr a ni.

⁸Puan sendukin an khuh ang a, savun ṭha chiin an khuh leh ang a, a zâwnfung an vuah ang.

⁹khâwnvâr zâr kha a bâwrin chaicheh te, dawnthlêng te, hriak bûr zawng zawng nên puan dumpâwlin an khuh tûr a ni.

¹⁰A hmanrua zawng zawng nên savun ṭha chiin an khuh ang a, a zâwnnaah an dah tûr a ni.

¹¹“Rangkachaka luan maichâm chu puan dumpâwlin an khuh ang a, savun ṭha chiin an khuh leh ang a, a zâwnfung an vuah tûr a ni.

¹²Hmun Thianghlima rawngbâwlna bungbêl zawng zawng chu puan dumpâwlin an fûn ang a, a zâwnnaah an dah tûr a ni.

¹³Maichâma meivâp chu an lâwk fai ang a, puan sendukin an khuh ang a;

¹⁴a chungah chuan an rawngbâwlna bungbêl zawng zawng, meilawh te, thîrkut te, vutlawh te, chawhtawlh te leh maichâm bungbêlte an dah vek ang a, savun ṭha chiin an khuh ang a, a zâwnfung an vuah tûr a ni.

¹⁵“Awmhmun sawn hunah Arona leh a faten hêng hmanrua leh bungbêl thianghlimte hi an khuh fel hunah Kohata fate chuan an zâwn tûr a ni; mahse, thil thianghlimte hi an khawih tûr a ni lo, an thi ang e. Chu chu Inbiakna bûka Kohata fate thawh tûr chu a ni.

¹⁶Chhit tûr hriak te, rimtui te, buhbâl thilhlan te, hriak thih mi te, Inbiakna bûk pum leh a chhûnga thil awm zawng zawng, LALPA tâna serh hrante chu Eleazara kutah a awm ang.”

¹⁷ LALPA chuan Mosia leh Arona hnênah,

¹⁸“Kohata thlahte chu,

¹⁹thil thianghlimte hi an khawih palha Levia chite zîng ata an thih fai mai loh nân, Arona leh a fate chuan an tih tûr leh an zâwn tûr ṭheuh an kawhhmuh ṭhîn tûr a ni.

²⁰Puithiamin thil thianghlim zâwn tûra an buatsaih lai en tûrin Kohata thlahte chu Inbiakna bûk chhûngah an lût tûr a ni lo, an thi mai ang,” a ti a.

²¹ LALPA chuan Mosia hnênah,

²²“Gersona thlahte pawh, a chi leh a chhûngkuaa thliarin

²³kum sawmthum aṭanga kum sawmnga inkâr mi, Inbiakna bûka rawngbâwl tlâk zawng zawng hming ziak vek rawh.

²⁴Gersona thlahte chuan hêng hi an enkawl ang a, an zâwn ṭhîn ang:

²⁵Inbiakna bûk puanzâr te, a chung khuhna te, a thuahna te, a khuhna savun ṭha chi te, kawngka puanzâr te,

²⁶bûk leh maichâm tual hungna puanzâr te, bûk luhna kawngka puanzâr te, a hrui te leh a hmanrua zawng zawng an zâwn ang a; tih ṭûl apiang an ti tûr a ni.

²⁷Arona leh a faten tih tûra an ruatsak apiang chu Gersona thlahte chuan an ti ang a, zâwn tûr chu an zâwn ang a, in enpui ṭhîn dâwn nia.

²⁸Hêng hi Inbiakna bûk chungchânga Gersona thlahte tih tûr pual chu a ni; an tih tûr ṭheuh chu puithiam Arona fapa Ithamaran a kawhhmuh ṭhîn ang.

²⁹“Meraria thlahte chu a chi leh a chhûngkuaa thliarin

³⁰kum sawmthum aṭanga kum sawmnga inkâr mi, Inbiakna bûka rawngbâwl tlâk zawng zawng hming ziak chhuak vek rawh.

³¹Inbiakna bûk chungchânga an tih tûr pual leh an thil phurh tûr te chu hêng hi a ni: Bûk hmanrua, a bangrel te, a ban leh a bulṭhut te,

³²tual hungna ban te leh a bulṭhut te, bûk kilh behna te, a kaihna hrui te leh a hmanrua zawng zawng te a ni; mi tin phurh tûr hming hmerha ruatsak ṭheuh tûr a ni.

³³Chûng chu Meraria thlahte tih tûr chu a ni, puithiam Arona fapa Ithamaran an tih tûr chu a kawhhmuh ṭhîn ang,” a ti a.

³⁴Mosia te, Arona te leh mipui hruaitu te chuan Kohata thlahte chu a chi leh a chhûngkuaa thliarin,

³⁵Inbiakna bûka rawngbâwl tlâk, kum sawmthum aṭanga kum sawmnga inkâr mi zawng zawng hming chu an ziak chhuak a.

³⁶Hêng an hming ziakte hi mi sânghnih leh zasarih leh sawmnga an tling.

³⁷Mosia hnêna LALPA thupêk zâwmin Mosia leh Aronan Kohata thlahte, Inbiakna bûka rawngbâwl tlâk an ziak zât chu heti hi a ni.

³⁸Gersona thlahte chu a chi leh a chhûngkuaa thliarin,

³⁹Inbiakna bûka rawngbâwl tlâk kum sawmthum aṭanga kum sawmnga inkâr mi zawng zawng hming chu an ziak chhuak a.

⁴⁰Hming ziak hi mi sânghnih leh zaruk leh sawmthum an tling.

⁴¹LALPA thupêk zâwma Mosia leh Aronan Gersona thlahte, Inbiakna bûka rawngbâwl tlâk an ziak zât chu heti hi a ni.

⁴²Meraria thlahte chu a chi leh a chhûngkuaa thliarin,

⁴³Inbiakna bûka rawngbâwl tlâk, kum sawmthum aṭanga kum sawmnga inkâr mi zawng zawng hming an ziak chhuak a.

⁴⁴Hming ziak zawng chu mi sângthum leh zahnih an tling.

⁴⁵Mosia hnêna LALPA thupêk awiha Mosia leh Aronan Meraria thlahte an ziak zât chu heti hi a ni.

⁴⁶Levia chite chu a chi leh a chhûngkuaa thliarin Mosia leh Arona leh Israel hruaitute chuan,

⁴⁷kum sawmthum aṭanga kum sawmnga inkâr, Inbiakna bûka rawngbâwl tlâk, thil phur thei te

⁴⁸hming chu an ziak chhuak a, mi sângriat leh zanga leh sawmriat an tling.

⁴⁹Mosia hnêna LALPA thupêk angin Mosia chuan mi tin an thawh tûr leh phurh tûr ṭheuh a ruatsak a, an hming pawh a chhinchhiah vek a.