Read Mizo Lushai Numbers 7 Bible Online

Numbers 7 - Mizo Lushai bible

Numbers 7

¹Mosian Biakbûk a din zawh chuan, Biakbûk leh a bungrua zawng zawng chu maichâm leh a bungbêl zawng zawng nên hriak a hnawih a, a thian thianghlim a.

²Israel hnam hruaitu, hotua an neih, chhiarpui titute kha, an lo kal a, thilhlan an rawn keng a.

³An thilhlan chu bâwngtawlailîr chung nei paruk leh bâwngpa sâwm leh pahnih a ni, hruaitu pahnihin bâwngtawlailîr pakhat an thawh ṭâwm a, hruaitu tinin bâwngpa pakhat ṭheuh an tum a ni; Biakbûk kawtah chuan an rawn kai a.

⁴ LALPA chuan Mosia hnênah,

⁵“Inbiakna bûk rawngbâwlna atân a ṭangkai ang, lo dawnsak la, an hna tam dân athuin Levia chite hnênah sem ang che,” a ti a.

⁶Mosia chuan tawlailîrte leh bâwngpate chu a lo dawng a, Levia chite chu a sem a.

⁷Tawlailîr pahnih leh bâwng pali chu Gersona thlahte hnênah, an hna azirin a pe a.

⁸Tawlailîr pali leh bâwng pariat chu Meraria thlahte hnênah, an hna azirin a pe a; puithiam Arona fapa Ithamara kutah hêng hi dah a ni.

⁹Kohata thlahte erawh chuan chan an nei lo; thil thianghlimte chu anmahni ko ngeia zâwn tûra tih an nih avâng khân.

¹⁰Hruaitute chuan maichâm serh thianghlim lawm nân thilhlan tûr an rawn la a.

¹¹LALPA chuan Mosia hnênah, “Hruaitu pakhat zêl hian, a ni indawtin maichâm serh hran lawm nân an thilpêkte chu rawn dah thliah thliah rawh se,” a ti a.

¹²A ni hmasa berah chuan Juda thlah hruaitu Aminadaba fapa Nasona chuan a thilpêkte chu a rawn dah a.

¹³Tangkaraw thlêng, kg. khat leh a chanvea rit leh tangkaraw chawhtawlh gram zariata rit, buhbâl thilhlan tûr chhangphut ṭha chi hriaka hmeh, a vûm thâr ve ve;

¹⁴rangkachak berhbu gram za leh sâwm bûk, rimtui hâl tûra khat nên - hêng hi Tempula bûkna hman laia bûk vek a ni.

¹⁵Hâlral thilhlan atân bâwngtuai pakhat, berâmchal pakhat, kum khat vêla upa berâmno pakhat;

¹⁶sual thawina thilhlan atân kêl pakhat;

¹⁷remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Aminadaba fapa Nasona thilpêk rawn kente chu a ni.

¹⁸A ni hnih ni chuan Isakara thlah hruaitu, Zuara fapa Nethanelan a thilpêk chu a rawn keng a;

¹⁹hêng hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, vûm thâr ve ve;

²⁰rangkachak berhbu gram za leh sâwm bûk rimtui hâl tûra khat, hêng hi Tempula hman lai bûknaa bûk vek a ni.

²¹Hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat,

²²sual thawina thilhlan atân kêl pakhat;

²³remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Nathanela, Zuara fapa thilpêkte chu a ni.

²⁴Ni thum ni chuan Zebulun thlah hruaitu Helona fapa Eliaba chuan a thilpêkte chu a rawn keng a;

²⁵hêng hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

²⁶rimtui hâl tûra khat rangkachak berhbu gram za leh sâwm bûk; hêng hi Tempula hman lai bûknaa bûk vek a ni.

²⁷Hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat;

²⁸sual thawina thilhlan atân kêl pakhat;

²⁹remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga hêngte hi Helona fapa Eliaba thilpêk rawn kente chu a ni.

³⁰Ni li ni chuan Reubena thlah hruaitu Sedeura fapa Elizura chuan a thilpêkte chu a rawn keng a;

³¹hêng hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

³²rimtui hâl tûra khat rangkachak berhbu gram za leh sâwm bûk; hêng hi Tempula hman lai bûknaa bûk vek a ni.

³³Hâlral thilhlan atân bâwngtuai pakhat berâmchal pakhat, kum khat vêla upa berâmno a pa pakhat;

³⁴sual thawina thilhlan atân kêl pakhat;

³⁵remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêng hi Sedeura fapa Elizura thilpêk rawn kente chu a ni.

³⁶Ni nga ni chuan Simeona thlah hruaitu Zurisadaia fapa Selumiela chuan a thilpêkte chu a rawn keng a;

³⁷hêng hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh, gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

³⁸rimtui hâl tûra khat rangkachak berhbu gram za leh sâwm bûk - hêng hi Tempula hman lai bûknaa bûk vek a ni;

³⁹hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat;

⁴⁰sual thawina thilhlan atân kêl pakhat;

⁴¹remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Zerusadaia fapa Elizura thilpêk rawn kente chu a ni.

⁴²Ni ruk ni chuan Gada thlah hruaitu Deuela fapa Eliasafa chuan a thilpêkte chu a rawn keng a;

⁴³hêngte hi a thilpêkte chu a ni: tangkaraw thlêng kg. khat leh a chanve bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁴⁴rimtui hâl tûra khat rangkachak berhbu gram za leh sâwm bûk - hêngte hi Tempula hman lai bûknaa bûk vek a ni.

⁴⁵Hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat;

⁴⁶sual thawina thilhlan atân kêl pakhat;

⁴⁷remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Deuela fapa Eliasafa thilpêk rawn kente chu a ni.

⁴⁸Ni sarih ni chuan Efraima thlah hruaitu Amihuda fapa Elisama chuan a thilpêkte chu a rawn keng a;

⁴⁹hêngte hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁵⁰rimtui hâl tûra khat rangkachak berhbu gram za leh sâwm bûk - hêngte hi Tempula hman lai bûknaa bûk vek a ni.

⁵¹Hâlral thilhlan atân bâwngtuai pakhat, berâmchal pakhat, kum khat vêla upa berâmno, a pa pakhat,

⁵²sual thawina thilhlan atân kêl pakhat,

⁵³remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Amihuda fapa Elisama thilpêk rawn kente chu a ni.

⁵⁴Ni riat ni chuan Manasea thlah hruaitu Pedazura fapa Gamaliela chuan a thilpêkte chu a rawn keng a;

⁵⁵hêngte hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁵⁶rimtui hâl tûra khat rangkachak berhbu gram za leh sâwm bûk - hêng hi Tempula bûkna hman laia bûk vek a ni;

⁵⁷hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat,

⁵⁸sual thawina thilhlan atân kêl pakhat;

⁵⁹remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Pedazura fapa Gamaliela thilpêk rawn kente chu a ni.

⁶⁰Ni kua ni chuan Benjamina thlah hruaitu Gideona fapa Abidana chuan a thilpêkte chu a rawn keng a;

⁶¹hêngte hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁶²rimtui hâl tûra khat rangkachak berhbu gram za leh sâwm bûk - hêng hi Tempula bûkna hman laia bûk vek a ni.

⁶³Hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat;

⁶⁴sual thawina thilhlan atân kêl pakhat;

⁶⁵remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Gideona fapa Abidana thilpêk rawn kente chu a ni.

⁶⁶Ni sâwm ni chuan Gada thlah hruaitu Amisadaia fapa Ahiezera chuan a thilpêkte chu a rawn keng a;

⁶⁷hêngte hi a thilpêkte chu a ni: tangkaraw thlêng, kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁶⁸rimtui hâl tûra khat rangkachak berhbu gram za leh sâwm bûk - hêngte hi Tempula hman lai bûknaa bûk vek a ni.

⁶⁹Hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat,

⁷⁰sual thawina thilhlan atân kêl pakhat;

⁷¹remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Amisadaia fapa Ahiezera thilpêk rawn kente chu a ni.

⁷²Ni sâwm leh ni khat ni chuan Asera thlah hruaitu Okrana fapa Pagiela chuan a thilpêkte chu a rawn keng a;

⁷³hêngte hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁷⁴rimtui hâl tûra khat rangkachak berhbu gram za leh sâwm bûk - hêngte hi Tempula bûkna hman laia bûk vek a ni;

⁷⁵hâlral thilhlan atân bâwngtuai pakhat, berâmchal pakhat, kum khat vêla upa berâmno a pa pakhat;

⁷⁶sual thawina thilhlan atân kêl pakhat;

⁷⁷remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Okrana fapa Pagiela thilpêk rawn kente chu a ni.

⁷⁸Ni sâwm leh pahnih ni chuan Naftalia thlah hruaitu Enana fapa Ahira chuan a thilpêkte chu a rawn keng a;

⁷⁹hêngte hi a thilpêkte chu a ni: tangkaraw thlêng kg. khat leh a chanve bûk, tangkaraw chawhtawlh gram zariat bûk, buhbâl thilhlan tûr chhangphut ṭha chi hriaka hmeh, a vûm thâr ve ve;

⁸⁰rimtui hâl tûra khat rangkachak berhbu gram za leh sâwm bûk - hêngte hi Tempula bûkna hman laia bûk vek a ni;

⁸¹hâlral thilhlan tûr bâwngtuai pakhat, berâmchal pakhat, kum khat vêla upa berâmno a pa pakhat;

⁸²sual thawina thilhlan tûr kêl pakhat;

⁸³remna thilhlan atân bâwngtuai pahnih, berâmchal panga, kêl panga leh berâmno a pa kum khat mi vêl panga - hêngte hi Enana fapa Ahira thilpêk rawn kente chu a ni.

⁸⁴Hriak hnawiha maichâm hlan ni chuan a lawm nân hruaitute chuan hêng thilpêk hi an rawn keng a ni: a vaiin tangkaraw thlêng sâwm leh pahnih, tangkaraw chawhtawlh sâwm leh pahnih, rangkachak berhbu sâwm leh pahnih;

⁸⁵thlêng hi kg. khat leh a chanve zêl bûk a ni; chawhtawlh hi gram zariat zêla rit a ni; Tempula hman lai bûknaa bûkin tangkarua hi kg. sawmhnih leh pasarih leh gram zaruk a tling a ni.

⁸⁶Rimtui hâl tûra khat rangkachak berhbu sâwm leh pahnih, gram za leh sâwm bûk zêl, a vaiin Tempula hman lai bûknaa bûkin kg. khat leh gram za leh sawmhnih a ni.

⁸⁷Hâlral thilhlana hlan tûr bâwngtuai sâwm leh pahnih, berâmchal sâwm leh pahnih, kum khat vêla upa berâmno a pa sâwm leh pahnih leh chûng ruala telh tûr tuk zât buhbâl thilhlan chhangphut ṭha chi nên; sual thawina thilhlan atân kêl sâwm leh pahnih;

⁸⁸remna thilhlan atân bâwngtuai sawmhnih leh pali, berâmchal sawmruk; kêl sawmruk, kum khat vêla upa berâmno a pa sawmruk. Hêng hi hruaituten hriak hnawiha maichâm hlan nia an thilpêkte chu a ni.

⁸⁹Mosia chu LALPA be tûrin Inbiakna bûkah chuan a lût a. Thuthlung Bâwm chhîn, cherub pahnih aṭang chuan LALPA ṭawng chu a hria a.