Read Mizo Lushai Zakaria 3 Bible Online

Zakaria 3 - Mizo Lushai bible

Zakaria 3

¹ LALPA tirhkoh hmaa ding, puithiam lalber Josua leh amah khingtu tûr Setana, a ding lama ding chu mi entîr a.

²LALPA tirhkoh chuan Setana hnênah, “Nang, Setan, LALPAN hau che rawh se; a ni, Jerusalem thlangtu LALPA chuan hau che rawh se. He mi hi mei ata thingthu lâk chhuah mai a nih hi,” a ti a.

³Josua chu Vântirhkoh hmaah a ding a, a silhfên chu a bâl hle a.

⁴Vântirhkoh chuan a hmaa dingte hnênah, “A silhfên bâl kha hlihsak rawh u,” a ti a. A hnênah chuan, “En teh, i khawlohna ka la bo va, silhfên faiin ka thuam dâwn che hi,” a ti a.

⁵An hnênah, “Diar vâr khimtîr rawh u,” a ti leh a. Tichuan, diar vâr an khimtîr a, silhfên tharin an thuam ta a; LALPA tirhkoh pawh chu ka kiangah a ding reng a.

⁶LALPA tirhkoh chuan Josua chu khûn takin thu a chah a.

⁷Ka kawngte i zawh zêl a, ka thupêkte i zawm chuan, Ka in leh a kawtzâwlte i kutah a awm ang a, Heta dingte zîngah hian i tel thei ang;

⁸Nang Puithiam lalber Josua, I thawhpui, i kianga awmte pawhin ngaithla rawh se, Ka chhiahhlawh Chawrnova chu ka rawn tîr dâwn e.

⁹Josua hmaa lung pakhat ka dah chu en teh, Tah chuan hmai pasarih a awm a, Engkim LALPA thuchhuak hetianga ziak hi a chuang: ‘He ram sualna hi ni khat thil thuah ka la bo vang a.’

¹⁰“Chumi ni chuan mi tinin an ṭhenawmte chu an grep leh theipui buk hnuaia ṭhu tûrin an sâwm ang,” Engkim LALPA thuchhuak chuan a ti.