Read Mizo Lushai Malakia 4 Bible Online

Malakia 4 - Mizo Lushai bible

Malakia 4

¹“Ngai teh, thuk alh hluah hluah ang ni chu a lo thleng dâwn, Mi chapote leh thil sualtitu zawng zawng chu Buhpâwl ang an ni ang a, Chumi ni-ah chuan an kâng ral vek ang a, A zung leh a zâr pawh a zuah lo vang,” Engkim LALPA chuan a ti.

²“Nangni ka hming ṭihtute tân felna ni a lo chhuak ang, A zung chu damna a ni ang a, Bâwngnote chhuah angin hlim takin in zuang ang.

³Hêng thil hi ka tih ni chuan, Mi sualte chu in rapbet ang a, In kephah hnuaia vaivut ang mai an ni ang,” Engkim LALPA chuan a ti.

⁴“Ka chhiahhlawh Mosia hnêna dân ka pêk te, Horeb tlânga Israel mi zawng zawng tâna Dân leh thuruat ka pêkte kha hre reng rawh u,

⁵Ngai teh u, LALPA ni ropui râpthlâk thlen hmain In hnênah zâwlnei Elija ka rawn tîr ang.

⁶Ani chuan pate leh an fate a inremtîr ang, Chutilo zawng, ka lo kal ang a, Ram chu ka nghaisa ang a, Ka tichhe vek mai ang.”