Read Mizo Lushai Josua 16 Bible Online

Josua 16 - Mizo Lushai bible

Josua 16

¹Josefa thlahte ram chan chhim lam ri chu Jordan luia Jeriko lui chhuah bulah a inṭan a, Jeriko kal tlangin thlang lam tlâng lamah a chho va, thlalêr kal tlangin Bethel a chhun a.

²Luz khaw thlengin Ark-ho awmna Atarot-ah a kal a,

³thlang lam hawiin Jaflet-ho awmna ram a kal tlang a, Beth-horon chuanhnuai a chhun a. Gezer kal tlangin Mediteranean tuipui a chhun a ni.

⁴Josefa thlahho, Efraim leh Manasea thlahte chuan hei hi ram chanpual atân an chang a ni.

⁵Efraim thlahte, a chhûng chhûnga an insem tûra an chan hmâr lam ramri chu hetiang hi a ni: Chhak lama awm Atarot-adar leh Beth-horon inkâr a ni.

⁶Hmâr tâwp khua Mikmethat aṭangin khawchhak lam panin ri chu Tanat-silo-ah a kal a, Janoa khuaah te,

⁷Atarot khuaah te, Naara khuaah te a kal a, Jeriko a chhun a, Jordan lui a thleng a.

⁸Khawthlang lamah Mikmethat khua aṭangin Tapua khuaah, Kana luia chhuakin luidung chu a zui a, Mediteranean a zu thleng a. Chumi chhûng ram chu Efraima thlahten a chhûng chhûnga an insem tûra an chan ram chu a ni.

⁹Manasea thlahte chan aṭangin Efraim-ho chu khawpui ṭhenkhat, an chhehvêl khuate nên an pe bawk a.

¹⁰Gezer khuaa lo awm Kanan mite chu an ûm chhuak lo, tûn thlengin chûng Kanan mite chu Efraim-ho zîngah an la awm, chhiahhlawhah an chhawr a ni.