Read Mizo Lushai Josua 19 Bible Online

Josua 19 - Mizo Lushai bible

Josua 19

¹Chan hnihna chu Simeona thlahten a chhûng chhûnga an insem tûrin an chang a. An ram chan chu Juda thlahte ram chan chhûnga mi a ni.

²Hêng hi a huam: Beer-seba, Seba, Molada;

³Hazar-sual, Bala, Ezem;

⁴Eltolad, Bethul, Horma;

⁵Ziklag, Beth-markabot, Hazar-susa;

⁶Beth-lebaot, Saruhen leh an chhehvêl khuate nên, khawpui chu sâwm leh pathum a ni.

⁷Hêng pawh hi a tel: Ain, Rimon, Ether, Asan leh an chhehvêl khuate, khawpui pali a ni.

⁸Hei hian an chhehvêl khua Balat-beer (Rama an tih bawk) chhim lam thlengin a huam a ni. Simeona thlahte chuan he lai ram hi an chanpual atâna an dawn chu a ni.

⁹Juda thlahte hian an mamawh aia zau ram an neih avângin an ram ṭhenkhat chu Simeona thlahte hnêna pêk a ni.

¹⁰Zebuluna thlahten a chhûng chhûnga insem tûr ram chan thumna chu an chang a, a chhim tâwpah Sarid khua a awm.

¹¹Chuta ṭangin thlang lamah Marala a pan a, Dabeset pal tlangin Jokneam chhak lama luiah a chhuak a.

¹²Sarid chhak lamah Kislot-tabor ramri a han chhun a, Daberat pal tlangin ramri chu Jafia-ah a chho va.

¹³Chhuk zâwngin Gath-hefer-ah a kal zêl a, Eth-kazin thlengin Rimon kawnga Nea panin a kual a.

¹⁴Hmâr lam panin ramri chu Hanathon-ah a kal a, Iftahel ruamah a tâwp a ni.

¹⁵Kata te, Nahalal te, Simron te, Idala te, Bethlehem te leh an chhehvêl khuate nên khawpui sâwm leh pahnih a huam tel a ni.

¹⁶Zebulun-ho chan ramah chuan hêng khawpui leh an chhehvêl khuate hi a awm a ni.

¹⁷Chan lina chu Isakara thlahte chuan a chhûng chhûnga insem tûrin an chang a.

¹⁸Hêng hi a huam: Jezreel, Kesulot, Sunem;

¹⁹Haferaim, Sion, Anaharat,

²⁰Rabit, Kision, Ebez;

²¹Remet, En-ganim, En-hada, Beth-pazez.

²²An ramri chuan Tabor tlâng a kal tlang a, Sahazumai leh Beth-semes kal tlangin Jordan a thleng a, khawpui sâwm leh paruk leh an chhehvêl khuate nên a huam a.

²³Isakara thlahte chuan chhûng tin insem tûrin hêng khawpuite hi, an chhehvêl khuate nên an chang a ni.

²⁴Chan ngana chu Asera thlahte chuan a chhûng chhûnga insem tûrin an chang a.

²⁵Hêng hi a huam tel: Helkat, Hali, Beten, Aksaf;

²⁶Alam Melek, Amad, Misal. Khawthlang lama a ramri chuan Karmel leh Sihor-libnat a pal tlang a,

²⁷khawchhak zâwngin a inher a, Beth-dagon pal tlangin Zebulun ram a chhun a, Iftahel ruamah a lût a, hmâr lam panin Beth-emek leh Neiel a pan a, Kabul a thleng a.

²⁸Ebron-ah te, Rehob-ah te, Hamon-ahte, Kana-ah te a kal a, Sidon khawpui a chhun a.

²⁹Ramri chu a inher a, Rama leh Tura khawpui kulh a chhun a, Hosa-ah a inher a, Mediteranean tuipuiah a tâwp a. Mahalab te, Akzib te,

³⁰Uma te, Afek te, Rehob te leh an chhehvêl khuate nên, khawpui sawmhnih leh pahnih a ni.

³¹Hêng khawpui leh an chhehvêl khuate hi Asera thlahte chuan chhûng tin insem atân an ram chan chu a ni.

³²Chan rukna chu Naftalia thlahte chuan a chhûng chhûnga an insem tûrin an chang a.

³³Hmâr lam ramri chu Helef-ah a inṭan a, chhak lamah Elon-Bazananim kal tlangin Adami-nekeb-ah a kal a, Jabneel tlawhin Lakum a thleng a, Jordan-ah a tâwp a.

³⁴Khawthlang lam panin Aznot-tabor-ah a kal a, Hukok a thleng a, chhim lamah Zebulun hrûlah a kal a, Aser-ho ram a va chhun a. Chhak lamah Jordan, thlang lamah Aser-ho ram a ri a.

³⁵Kulh nei khua te: Zidim, Zer, Hamath, Rakat, Kineret;

³⁶Adama, Rama, Hazor;

³⁷Kedes, Edrei, En-hazor;

³⁸Iron, Migdalel, Horem, Bethanat, Beth-semes leh an chhehvêl khuate nên, khawpui sâwm leh pakua a huam tel.

³⁹Hêng khawpuite leh an chhehvêl khuate hi Naftali thlahte chuan chhûng tin insem atân an chang.

⁴⁰Chan sarihna chu Dana thlahten a chhûng chhûnga insem atân an chang a.

⁴¹Hêng hi a huam: Zora, Estaol, Ir-semes;

⁴²Saalabin, Aijalon, Ithla;

⁴³Elon, Timna, Ekron;

⁴⁴Elteke, Gibethon, Baalat;

⁴⁵Jehud, Bene-berak, Gath-rimon;

⁴⁶Mejarkon, Rakon leh Jopa khaw vêl ramte nên.

⁴⁷Dana thlahte hi hmêlmaten an ram an lâksak a, Lais khuaah an kal a; an bei a, an la a, mite chu an that a; anmahni tân an nei ta a. A khaw hming hi an thlahtu hming chawiin Dan an ti a.

⁴⁸Hêng khawpuite leh an chhehvêl khuate hi Dana thlahte chuan chhûng tin insem tûrin an chang a.

⁴⁹Ram an insem zawh chuan, Israel mite chuan Nuna fapa Josua chu a hranpain ram an pe ve a.

⁵⁰LALPA thupêk angin a duhthlan Timnat-sera khua an pe a, Efraim tlângrama awm a ni; khua chu a din ṭha a, a awm ta a.

⁵¹Puithiam Eleazara te, Nuna fapa Josua te leh Israel hnam hruaitu te chuan hêng ram hrang hrang hi ṭhumvâwrin Silo khuaah chuan Inbiakna bûk kawngkaah an sem fel ta a ni.