Read Mizo Lushai KHUAA MITE HNENA TIRHKOH PAULA LEHKHATHAWN PAHNIHNA THESSALONIKA 1 Bible Online

KHUAA MITE HNENA TIRHKOH PAULA LEHKHATHAWN PAHNIHNA THESSALONIKA 1 - Mizo Lushai bible

KHUAA MITE HNENA TIRHKOH PAULA LEHKHATHAWN PAHNIHNA THESSALONIKA 1

¹Paula, Silvana leh Timothea chuan Thesalonika khuaa Pathian kan Pa leh kan Lalpa Isua Krista kohhran chibai kan bûk e.

²Pa Pathian leh Lalpa Isua Krista hnên ata khawngaihna leh remna in hnênah awm rawh se.

³Unaute u, nangmahni avângin Pathian hnênah lâwmthu hril fo tûr kan ni a, chu chu kan tih âwm rêng a ni. Rinnaah in ṭhang chak êm êm a, in zaa in inhmangaih tawnna pawh a thûk tial tial bawk a.

⁴Tihduhdahna leh hrehawm tinrêng chhel taka in tuara, rinnaa in nghehzia leh in chhelzia te hi kohhranhote zîngah kan chhuang ṭhîn a ni.

⁵Pathian ram avânga tuar in ni a, chuta lût tlâk in nih theih nân Pathian rorêl dikzia tihlanna in nih hi.

⁶Pathian chuan dik takin thil a ti ṭhîn a, tihrehawmtu che u chu hrehawmnain a thungrûl ve ang.

⁷Lalpa Isua chu vân aṭanga ama vântirhkoh thiltithei takte nên meialh zînga a lo lan hunah, nangni hrehawm tuarte hi a rawn chawlhtîr ang che u, keini pawh min chawlhtîr ang.

⁸Pathian hre lote leh kan Lalpa Isua Krista Chanchin Ṭha ring duh lote chungah phuba a la ang.

⁹Chûngte chu Lalpa hma ata leh a thiltihtheihna ropui tak lak ata kumkhaw chhiatnaah chuan paih an ni ang a.

¹⁰A mi thianghlim, amah ringtute hnên aṭanga ropuina leh chawimawina dawng tûra a lo kal nî chuan hrem an ni ang. In hnêna kan thu hril in lo rin avângin nangni erawh chu chûng ringtute zîngah chuan in tel ve ang.

¹¹Hemi avâng hian Pathianin a kohna che u phua in awm theihna tûr leh, ṭhat in duhna zawng zawng leh rinna avânga in thiltihte chu, a chaknaa a tihfamkimsak theihna tûr che uin, bâng lovin kan ṭawngṭaisak ṭhîn che u a ni.

¹²Tichuan, kan Pathian leh Lalpa Isua Krista khawngaihna zârah, kan Lalpa Isua hming chu in zîngah chawimawi a ni ang a, nangni pawh ama zârah chawimawi in ni ang.