Read Mizo Lushai LEHKHATHAWN PAHNIHNA PETERA 3 Bible Online

LEHKHATHAWN PAHNIHNA PETERA 3 - Mizo Lushai bible

LEHKHATHAWN PAHNIHNA PETERA 3

¹Duh takte u, vawi hnih lehkha ka rawn thawnna che u a ni ta. In hriat tawh sa hriat nawntîr che uin nangmahniah rilru thianghlim chawk harh tûrin vawi hnih ka han thawn che u a ni.

²Zâwlnei thianghlimte thu leh Lalpa leh Chhandamtu thupêk, in tirhkohten hmâna an hrilh che u kha, hre reng rawh u.

³Ni hnuhnûngah chuan hmusittute, mahni châkna ang zêla awmte an lo chhuak ang tih hre hmasa rawh u. Hmusit êm êmin,

⁴“Lo kal leh a tiam kha engtin nge ni ta? Min thlahtute an thi zo ta a, thilsiam ṭan tirh ata engkim a ngai rengin a la awm a ni lâwm ni?” an la ti ang.

⁵Hmânlaiin Pathian thu-a vânte khi siam a nih te, lei chu tui ata siam chhuah a nih te, tui leh tui inkâra dah a nih te,

⁶tuilêt lai khân khawvêl hlui chu, chu tui chuan a chîma a tihchhiatte kha an haider lui a.

⁷Sakhaw pawisa loho chungchâng rêl hun leh tihboral huna meia kâng ral tûrin tûna lei leh vân pawh hi Pathian thuin a khêk a ni.

⁸Duh takte u, hei hi theihnghilh suh u, Lalpa tân chuan ni khat hi kum sângkhat ang a ni a, kum sângkhat pawh hi ni khat ang a ni.

⁹Ṭhenkhat rin dân angin Lalpa hi a thutiam hlen kawngah a muang lo ve; in tân a dawhthei a nî zâwk; tû ma boral a duh lo va, mi zawng zawngin an sual an sima, a hnêna an kîr a duh vâng zâwk a ni.

¹⁰Lalpa Nî chu rûkru angin a lo thleng ngei dâwn. Chumi nî-ah chuan thâwm ring tak nên vân khi a boral ang a, vâna arsite khi a kâng ral vek ang; lei pawh a chhûnga thil awm zawng zawng nên a boral vek ang.

¹¹Hêngte hi chutianga chhe vek tûr a nih si chuan nangniho kha mi eng ang tûr nge in nih?

¹²Pathian ni tiam nghâkhlel taka in thlîr reng lai hian mi thianghlim, Pathian tâna inpe mi in ni tûr a ni. Chumi ni-ah chuan vân khi a kâng ral ang a, arsite pawh an tuiral ang.

¹³Nimahsela, Pathian tiam, lei thar leh vân thar, a chhûnga dikna awmna chu kan nghâk a ni.

¹⁴Tichuan, duh takte u, hêng thil in nghah lai hian Pathian hmaa thianghlim leh sawisêlbova awm tûrin theihtâwp chhuah ula, amah nên inrem rawh u.

¹⁵Lalpa dawhtheihna hi chhandam in nih theihna hun remchângah ngai ula. Pathianin finna a pêk angin kan unaupa duh tak Paula pawhin hêng thu hi a ziak ṭhîn a ni.

¹⁶A thu ziak ṭhenkhat chu hriatthiam a har hle, eng mah zir lo leh mi nghet loten Lehkha Thu dang an ngai kawi ang bawkin an ngai kawi a, mahni chhiatna an thlen ṭhîn a.

¹⁷Duh takte u, nangni zawngin in hre tawh a, fîmkhur rawh u; chuti lo zawng pawisak nei loten an hruai bo vang che u a, in nghet ṭha lai in tlu hlauh dah ang e.

¹⁸Kan Lalpa leh chhandamtu Isua Krista hriatnaah te, khawngaihnaah te ṭhang lian zêl rawh u. A hnênah chuan tûn aṭanga chatuan thlengin ropuina awm rawh se. Amen.