Read Mizo Lushai LEHKHATHAWN PAKHATNA JOHANA 1 Bible Online

LEHKHATHAWN PAKHATNA JOHANA 1 - Mizo Lushai bible

LEHKHATHAWN PAKHATNA JOHANA 1

¹A tîr aṭanga awm, kan benga kan hriat, kan mita kan hmuh, ngun taka kan en, kuta kan khawih, nunna thu chu kan ziak a ni.

²Chu nunna chu a lo lang a, kan hmu ta a, kan puang a, Pa hnêna awm chatuan nunna kan hnêna lo lang ta chu kan hrilh che u a ni.

³Nangnin min pâwl ve theih nân kan hmuh leh kan hriat chu kan hrilh che u a, chu kan inpâwlna chu Pa leh Fapa Isua Krista nêna kan inpâwlna a ni si a.

⁴Kan lâwm a famkim theih nân hêng thu hi kan ziak a ni.

⁵Thuchah a hnên ata kan hriat kan hrilh chhâwn che u chu hei hi a ni: Pathian chu êng a ni a, amahah chuan thim rêng a awm lo tih hi.

⁶“Amah nên kan inpâwl,” kan tiha, thima kan awm si chuan dâwt kan sawi a, thutak kan zâwm lo va ni.

⁷Amah ênga a awm angin ênga kan awm ve erawh chuan, kan inpâwl ho va, A Fapa Isua thisenin kan sual zawng zawng min tlen faisak ṭhîn a ni.

⁸“Sual ka nei lo,” kan tih chuan mahni kan inbum a, thutak chu keimahniah a awm lo va ni.

⁹Kan sualte kan puan erawh chuan, ani chu a rinawmin a dik si a, kan sualte min ngaidamin kan dik lohna zawng zawng min tlen faisak dâwn a ni.

¹⁰“Thil sual ka ti lo,” kan tih chuan ani chu dawtheiah kan chantîr a, a thu pawh keimahniah a awm lo a ni.