Read Mizo Lushai LEHKHATHAWN PAHNIHNA JOHANA 1 Bible Online

LEHKHATHAWN PAHNIHNA JOHANA 1 - Mizo Lushai bible

LEHKHATHAWN PAHNIHNA JOHANA 1

¹Upa chuan Hmeichhe Ṭha Pathian thlan leh a fate, thutaka ka hmangaihte chibai ka bûk e. Keimah chauh pawh ni lovin, thutak hretu dang zawng zawng pawhin an hmangaih a che u;

²thutak, keimahnia chêng chu, kumkhuain kan hnênah a awm dâwn avângin.

³Thutak leh hmangaihnaah chuan Pa Pathian leh Pa Fapa Isua Krista hnên ata khawngaihna te, zahngaihna te, remna te chu kan hnênah a awm ang.

⁴Pain thu min pêk anga i fa tute emaw thutaka an awm ka hmuh avângin ka lâwm êm êm a ni.

⁵Hmeichhe ṭha, thupêk thar ni lovin, a tîr ata kan dawn kha hrilh tûr chein ka ziak a ni: ‘i inhmangaih tawn ang u,’ tiin ka ngên a che.

⁶A thupêk ang zêla kan awm hi hmangaihna chu a ni; hei hi a thupêk, a tîr ata in hriat kha a ni, ‘hmangaihnaah in awm reng tûr a ni,’ tih hi.

⁷Bumtu tam tak, Isua Krista chu tisa puin a lo kal tih pawm lote khawvêlah an lo chhuak ta a. Chutiang mite chu bumtu leh Krista dodâltute an ni.

⁸In thawh chhuah sate chân lova in thawh hlawh a kima in hmuh theih zâwk nân, mahni invêng ṭha rawh u.

⁹Tu pawh Krista zirtîrna thu-a khawsa lova kal khûm chuan Pathian a nei lo. A zirtîrna thu-a khawsa reng chuan Pa leh Fapa a nei kawp a ni.

¹⁰Chu zirtîrna chu keng lova in hnêna lo kal chu tu mahin inah thlentîr suh ula, ṭawngkam ṭha pawhin lo be suh u:

¹¹Ṭawngkam ṭhaa betu chu a thil sual tihah chuan a tel ve a ni.

¹²In hnênah thu tam tak sawi tûr nei mah ila, lehkha leh lehkhatuia ziak ka tum lo; kan lâwm a kim theih nân in hnêna lo kala, inhmatawna inbiak ka beisei zâwk a ni.

¹³I laizâwnnu, thlan ni ve bawki faten chibai an bûk a che.