Read Mizo Lushai LEHKHABU PAKHATNA SAMUELA 21 Bible Online

LEHKHABU PAKHATNA SAMUELA 21 - Mizo Lushai bible

LEHKHABU PAKHATNA SAMUELA 21

¹Davida chu Nob khaw puithiam Ahimeleka hnênah a kal a. Ahimeleka chuan khûr chungin Davida chu a lo hmuak a, a hnênah, “Engtizia nge tu mah hruai lova i lo kal le?” a ti a.

²Davida chuan puithiam Ahimeleka hnênah chuan, “Lalin tih tûr min tuk a, ka hnênah, ‘Ka tirhna che leh tih tûr ka tuk che hi tu mah hrilh suh,’ a ti tlat a. Tlangvâlte nên kan thiltih tûr leh kan tihna hmun tûr kan ruat diam a.

³Tûnah, engte nge i neih le? Chhang tlang nga min pe la, thil dang i neih apiang pawh,” a ti a.

⁴Puithiam chuan Davida chu a chhâng a. “Chhang panga chu ka nei lo va, chhang thianghlim chauh ka nei; tlangvâlte chu hmeichhe lakah an thianghlim emaw chu?” a ti a.

⁵Davida chuan, puithiam chu a chhâng a, “Kan rammut dâwn apiangin tlangvâlho chu hmeichhe lakah an intibawlhhlawh ngai lo; tûnah lek phei hi chuan an intihbawlhhlawh loh tûrzia mai chu,” a ti a.

⁶Tichuan, puithiam chuan chhang thianghlim chu a pe ta a, chutah chuan Pathian hnêna an hlan chauh lo chu chhang dang a awm si lo va; LALPA hnêna an hlan chhang hlui chu ni tin chhang tharin an thlâk ṭhîn a ni.

⁷Chumi ni chuan Saula chhiahhlawh pakhat a awm ve a, ani chu LALPA hnêna thutiam nei lai mêk a ni. A hming chu Doega a ni: Edom mi, Saula ran rual veng hotu ber a ni.

⁸Davida chuan Ahimeleka hnênah, “Fei emaw, khandaih emaw i kawl lo maw? Lalin hmanhmawh taka min tirh avângin ka khandaih leh ka hriamhrei, a eng mah ka rawn keng hman ta lo va ni,” a ti a.

⁹Puithiam chuan, “Filistia mi, Ela ruama i thaha khandaih chu en teh, puithiam kawr phênah hian tuamin a awm reng mai. Chu chu i duh chuan la rawh, chu lo chu hetah eng mah dang a awm lo,” a ti a. Davida chuan, “Chu lo liam, min pe mai rawh,” a ti a.

¹⁰Tichuan, Davida chu a tho va, chumi ni chuan Saula hlauvin a tlân bo va, Gath lal Akisa hnênah a kal ta a.

¹¹Akisa chhiahhlawhte chuan a hnênah, “He mi hi an ram lal Davida kha a ni lâwm ni? ‘Saulan sâng tam tak a that a, Davidan sîng tam tak’ tia lâm chunga hlaa an awih kha a ni lâwm ni?” an ti a.

¹²Hêng thu avâng hian Davida chu a râlṭi ta a, Gath lal Akisa chu a hlau hle a.

¹³Chuvângin, an mit hmuhah a awm dân a tidanglam a, an hmaah a â der ta chiam a. Kawngkhârte a ham vak vak a, a chilthli chu a khabehmulahte a luang duah duah a.

¹⁴Akisa chuan a chhiahhlawhte hnênah, “En teh u, he mi hi mi â a nih hre reng chungin engati nge ka hnêna in rawn hruai?

¹⁵Mi â tlachham min tih vâng em ni he mi hi ka hmaah âtso tûra in rawn hruai? He mi hi ka inah a lo lût ang maw?” a ti a.