Read Mizo_Old_version Genesis 36 Bible Online

Genesis 36 - Mizo_Old_version bible

Genesis 36

¹Tin, hêng hi Esauva thlahte chu an ni (Esauva chu Edoma a ni).

²Esauva chuan a nupuite chu Kanaan rama nula zînga mi a ni a neih ni: Hit mi Elona fanu Adai leh, Hiv mi Zibeona tunu, Ana fanu Oholibami-te chu an ni;

³Ismaela fanu, Nebaiotha farnu Basemathi nên chuan.

⁴Tin, Adai chuan Esauva chu Eliphaza a hrinsak a; Basemathi chuan Reuela a hring a;

⁵Oholibami chuan Jeusa leh Jalama leh Kora a hring a; chûng chu Esauva fapa, Kanaan rama a neihte an ni.

⁶Tin, Esauva chuan a nupuite leh, a fapate leh, a fanute leh a ina mi zawng zawng leh a rante leh a sa zawng zawng leh, a sum zawng zawng, Kanaan rama a hmuhte chu a chhawm a, a nau Jakoba hnên ata chu ram dangah a kal ta daih a.

⁷An thil neihte chu a nasa lutuk a, an awm dûn thei lo a ni; an rante avângin an mikhualna ram chuan a daih ta si lo va.

⁸Tichuan, Esauva chu Seir tlângah chuan a awm ta a; Esauva chu Edoma a ni a.

⁹Tin, hêng hi Seir tlânga Edom-ho thlahtu Esauva thlahte chu an ni.

¹⁰Hêng hi Esauva fapateho hming chu a ni: Eliphaza, Esauva nupui Adai fapa leh Reuela, Esauva nupui Basemathi fa hi.

¹¹Tin, Eliphaza fapate chu Temana te, Omara te, Zephova te, Gatama te, Kenaza te an ni.

¹²Tin, Timni chu Esauva fapa Eliphaza hmei a ni a; ani chuan Eliphaza chu Amaleka a hrinsak a. Chûng chu Esauva nupui Adai fapate chu an ni.

¹³Tin, hêng hi Reuela fapate chu an ni: Nahatha leh Zera te, Sama leh Miza te hi. Chûng chu Esauva nupui Basemathi fapate chu an ni.

¹⁴Tin, hêng hi Zibeona tunu, Ana fanu Esauva nupui Oholibami fapate chu an ni: ani chuan Esauva chu Jeusa leh Jalama leh Kora chu a hrinsak a.

¹⁵Hêng hi Esauva fapate zînga a hotute chu an ni: Esauva fa tîr Eliphaza fapate chu: hotu Temana te, hotu Omara te, hotu Zephova te, hotu Kenaza te,

¹⁶hotu Kora te, hotu Gatama te, hotu Amaleka te hi; chûng chu Edom rama Eliphaza laka chhuak hotute chu an ni; chûng chu Adai fapate chu an ni.

¹⁷Tin, hêng hi Esauva fapa Reuela thlahte chu an ni: hotu Nahatha te, hotu Zera te, hotu Sama te, hotu Miza te hi; chûng chu Edom rama Reuela laka chhuak hotute chu an ni; chûng chu Esauva nupui Basemathi fapate chu an ni.

¹⁸Tin, hêng hi Esauva nupui Oholibami fapate chu an ni: hotu Jeusa te, hotu Jalama te, hotu Kora te hi; chûng hotute chu Ana fanu, Esauva nupui Oholibami hrinte chu an ni.

¹⁹Chûng chu Esauva fapate chu an ni, chûng chu an zînga hotute chu an ni; Esauva chu Edoma a ni.

²⁰Hêng hi Hor mi Seira fapa, chu rama awmte chu an ni: Lotana te, Sobala te, Zibeona te, Ana te,

²¹Disona te, Ezera te, Disana te hi; chûng chu Edom rama Seira fa Hor-ho laka chhuak hotute chu an ni.

²²Tin, Lotana fate chu Horia leh Hemama an ni; Lotana farnu chu Timni a ni.

²³Tin, hêng hi Sobala fate chu an ni: Alvana te, Manatha te, Ebala te, Sephova te, Onama te hi.

²⁴Tin, hêng hi Zibeona fate chu an ni: Aia leh Ana hi; he Ana hi a ni, a pa Zibeona sabengtungte a thlah laia thlalêra tuilum khurte hmuchhuaktu kha ni.

²⁵Tin, hêng hi Ana fate chu an ni: Disona leh Ana fanu Oholibami hi.

²⁶Tin, hêng hi Disona fate chu an ni: Hemdana te, Esbana te, Ithrana te, Kerana te hi.

²⁷Hêng hi Ezera fate chu an ni: Bilhana te, Zaavana te, Akana te hi.

²⁸Hêng hi Disana fate chu an ni: Uza leh Arana hi.

²⁹Hêng hi Hor-ho laka chhuak hotute chu an ni: hotu Lotana te, hotu Sobala te, hotu Zibeona te, hotu Ana te,

³⁰hotu Disona te, hotu Ezera te, hotu Disana te hi; chûng chu Seir rama an hotu dang anga Hor-ho laka chhuak hotute chu an ni.

³¹Hêng hi lal rêng rêngin Israela thlahte chunga ro an rêl hmaa, Edom rama rorêltu lalte chu an ni:

³²Beora fapa Bela chuan Edom ramah ro a rêl a; a khawpui hming chu Dinhaba a ni.

³³Tin, Bela chu a thi a, Bozra khuaa mi Zera fapa Jobaba chuan a aiawhin ro a rêl ta a.

³⁴Tin, Jobaba chu a thi a, Teman-ho rama mi Husama chuan a aiawhin ro a rêl ta a.

³⁵Tin, Husama chu a thi a, Bedada fapa Hadada, Moab phûla Midian-ho thattu khân a aiawhin ro a rêl ta a; a khawpui hming chu Avith a ni.

³⁶Tin, Hadada chu a thi a, Masreka mi Samla chuan a aiawhin ro a rêl ta a.

³⁷Tin, Samla chu a thi a, Luipui kama Rehoboth khuaa mi Saula chuan a aiawhin ro a rêl ta a.

³⁸Tin, Saula chu a thi a, Akbora fapa Baal-hanana chuan a aiawhin ro a rêl ta a.

³⁹Tin, Akbora fapa Baal-hanana chu a thi a, Hadara chuan a aiawhin ro a rêl ta a; a khawpui hming chu Pau a ni; a nupui hming chu Mehetabeli a ni a, ani chu Mezahaba fa Matredi fanu chu a ni.

⁴⁰Tin, hêng hi an chhûngkua ang zêl leh, an hmun ang zêl leh, an hming ang zêlin Esauva thlah hotute hming chu a ni: hotu Timna te, hotu Alva te, hotu Jethetha te,

⁴¹hotu Oholibama te, hotu Ela te, hotu Pinona te,

⁴²hotu Kenaza te, hotu Temana te, hotu Mibzara te,

⁴³hotu Magdiela leh hotu Irama-te hi; chûng chu an ram neihah chuan an awmna ang zêlin Edoma thlah hotute chu an ni; chu Esauva chu Edom-ho thlahtu chu a ni.