Read Mizo_Old_version Genesis 49 Bible Online

Genesis 49 - Mizo_Old_version bible

Genesis 49

¹Tichuan, Jakoba chuan a fapate chu a ko va, heti hian a sawi a: “Ni hnuhnûngahte in chunga thil la thleng tûr chu ka hrilh theihna tûr che uin rawn inkhâwm rawh u.

²Nangni Jakoba fapate u, rawn inkhâwm ula, ngaithla rawh u; In pa Israela thu hi ngaithla rawh u.

³Reuben, nang hi ka fa tîr, ka thiltihtheihna, ka chakna rah hmasa ber i ni; Sân berna leh thuneih berna chu i ta a ni.

⁴Nimahsela, tui anga nghet lo i ni, chungnun berna chu i nei lo vang; I pa khumpui i kai avângin; Chumi lai chuan chu chu i tibawlhhlawh a, ka mutnaa a kai kha.

⁵Simeona leh Levia hi unau an ni a; An khandaihte chu thisen chhuahna hriamhrei a ni.

⁶Aw, ka thlarau, nang zawng an inrâwnnaah chuan inrawlh ve suh; Ka ropuina, nang zawng an inkhâwmnaah chuan tel ve suh; An thinurin mi an that a, An tihmawhin bâwngpa tha an chhat a.

⁷An thinurna chuan ânchhia dawng rawh se, kawlh tak a ni si a; An thinrimna pawh chuan ânchhia dawng rawh se, nun chhe tak a ni si a! Jakob-hovah chuan anni chu ka tiṭhen ang a, Israel-hovah chuan ka tidarh bawk ang.

⁸Juda, nang zawng i unauten an fak ang che; I kut chu i dote nghâwngah i nghat ang a; I pa fapate chu i hmaah an kûn ang.

⁹Juda hi sakeibakneino a ni; Ka fapa, i sa seh chu i chhohsan ta a. A kûn a, sakeibakneipa angin a bawk a, Sakeibakneinu ang bawk siin; tuin nge titho ngam ang?

¹⁰Lal tiang chu Juda lakah a bo lo vang a, Rorêltu tiang chu a ke kâr ata a bo hek lo vang, Silova lo kal hma loh chuan; Hnam tinin ama thu an awih ang.

¹¹A sakawrno chu grêp hruiah a thlung a, A sabengtungno chu grêp hrui ṭha miah a thlung bawk a. A silhfênte chu uainah a su a, A puan chu grêp thisenah a su bawk a.

¹²A mitte chu uain aiin a duk ang a, A hate chu hnutetui aia tihvârin a awm bawk ang.

¹³Zebuluna hian tuifinriat kamah awmhmun a khuar ang: Lawng chawlhna vaukam a ni ang a, A ramri chu Zidon-ah a ni ang.

¹⁴Isakara hi sabengtung chak tak, berâm huang kâra bawk a ni;

¹⁵Chawlh chu ṭhain a hria a, Ram chu nuamin a hre bawk a; Tichuan, englo pu tûrin a koki chu a tihniam a, Hnathawka rawih luihin chhiahhlawhah a lo awm ta a.

¹⁶Dana hian a mite chu, Israel hnam zînga hnam pakhat ni vein, ro a rêlsak ang.

¹⁷Dana hi lamliana rûl, Kalkawnga rûlrial, A chunga chuang zangthala tla dêr khawpa Sakawr kea chu ṭhîntu hi a ni ang.

¹⁸Aw LALPA, i chhandamna chu ka nghâk reng e.

¹⁹Gada hi râlin an bei ang a; Nimahsela, ani chuan an keartui lamah a bei zâwk ang,

²⁰Asera hi a ei a ṭha ang a, Lal ei mi tui tak takte a tichhuak ang.

²¹Naphtalia hi zukpui chhuah a ni; Thu ṭha takte a sawi ṭhîn.

²²Josefa hi pêng rah duh tak a ni, Tuikhur kianga pêng rah duh tak chu; A pêng lehchhâwngte chuan lung bang a zâm khuh a.

²³Thal kâpho chuan ani chu nasa takin an tirethei a, An kâp a, an tiduhdah a.

²⁴Nimahsela, ani thalngul chu khauh takin a awm reng a, A kut thate chu Jakoba Mi Chaka kuta - (Chuta ṭang chuan Berâm Vêngtu, Israela Lungpui chu a lo awm a),

²⁵I pa Pathian, nangmah ṭanpui tûra Engkimtitheia, Chung lam vân malsâwmnate, Hnuai lama bawk reng tui thûk tak malsâwmnate, Hnutê leh chhûl malsâwmnatea Nangmah malsâwmtu tûr ngeia Tihchakin a awm a.

²⁶I pa malsâwmnate hian, Mi thlahtute malsâwmnate chu Chatuan tlâng tâwp rêt thlengin a khûm ta zâwk a ni. Chûngte chu Josefa lu-ah a awm ang a, A unaute hnên ata tihhrana awma chhîpah chuan a awm ang.

²⁷Benjamina hi chinghne koham a ni; Zîngah chuan a sa seh chu a ei ang a, Tlai lamah chuan a râllâk chu a sem ang,” a ti a.

²⁸Chûng zawng zawng chu Israel hnam sâwm leh hnam hnihte chu an ni a, chu thu pawh chu anmahni malsâwma an hnêna an pa thusawi chu a ni; an malsâwm dawn tûr tâwk ang zêlin mal a sâwm ṭheuh va.

²⁹Tin, anni chu thuro a chhiah a, an hnênah, “Ka chipuite hnênah hruaiin ka awm ve dâwn ta a; Hit mi Ephrona lova pûk, Kanaan rama Mamre zâwna Makpela lova pûk, Abrahaman phûmna hmun ro atân, Hit mi Ephrona laka a lo chawpa a leiah khân mi thlahtute hnênah mi phûm ve ang che u:

³¹chutah chuan Abrahama leh a nupui Sari chu an phûm a; chutah chuan Isaaka leh a nupui Rebeki chu an phûm a; chutah bawk chuan Leaii ka phûm a.

³²Lo leh a chhûnga pûk awm chu Hetha thlahte laka lei a ni,” a ti a.

³³Tin, Jakoba chuan a fapate hnêna thuro a chhiah zawh chuan, a kete chu khumah a hlâng kai a, a thlarau a thlah a, a chipuite hnênah chuan hruaiin a awm ve ta a.