Read Mizo_Old_version Genesis 5 Bible Online

Genesis 5 - Mizo_Old_version bible

Genesis 5

¹Hei hi Adama thlahte chuanna lehkhabu chu a ni. Pathianin thu ngawta mihring a siam ni khân Pathian anpuiin amah chu a siam a.

²Thu ngawtin mipa leh hmeichhiaah anmahni chu a siam a ni; thu ngawta siama an awm ni khân mal a sâwm a, an hmingah chuan “mihring” a vuah a.

³Tin, Adama chuan kum za leh kum sawmthum a nihin amah ang tak, ama anpui ngei fapa a nei a; a hmingah chuan Setha a sa a.

⁴Tin, Setha a neih hnu chuan Adama chu kum zariat a la dam a; fanu leh fapate a nei leh hlawm a.

⁵Tichuan, Adama dam chhûng zawng zawng chu kum zakua leh kum sawmthum a ni a; tin, a thi ta a.

⁶Tin, Setha chuan kum za leh kum nga a nihin fapa Enosa a nei a.

⁷Tin, Enosa a neih hnu chuan Setha chu kum zariat leh kum sarih a la dam a, fanu leh fapate a nei leh hlawm a.

⁸Tichuan, Setha dam chhûng zawng zawng chu kum zakua leh kum sâwm leh kum hnih a ni a; tin, a thi ta a.

⁹Tin, Enosa chuan kum sawmkua a nihin fapa Kenana a nei a.

¹⁰Tin, Kenana a neih hnu chuan Enosa chu kum zariat leh kum sâwm leh kum nga a la dam a, fanu leh fapate a nei leh hlawm a.

¹¹Tichuan, Enosa dam chhûng zawng zawng chu kum zakua leh kum nga a ni a; tin, a thi ta a.

¹²Tin, Kenana chuan kum sawmsarih a nihin fapa Mahalalela a nei a.

¹³Tin, Mahalalela a neih hnu chuan Kenana chu kum zariat leh kum sawmli a la dam a, fanu leh fapate a nei leh hlawm a.

¹⁴Tichuan, Kenana dam chhûng zawng zawng chu kum zakua leh kum sawm a ni a; tin, a thi ta a.

¹⁵Tin, Mahalalela chuan kum sawmruk leh kum nga a nihin fapa Jareda a nei a.

¹⁶Tin, Jareda a neih hnu chuan Mahalalela chu kum zariat leh kum sawmthum a la dam a, fanu leh fapate a nei leh hlawm a.

¹⁷Tichuan, Mahalalela dam chhûng zawng zawng chu kum zariat leh kum sawmkua leh kum nga a ni a; tin, a thi ta a.

¹⁸Tin, Jareda chuan kum za leh kum sawmruk leh kum hnih a nihin fapa Enoka a nei a.

¹⁹Tin, Enoka a neih hnu chuan Jareda chu kum zariat a la dam a, fanu leh fapate a nei leh hlawm a.

²⁰Tichuan, Jareda dam chhûng zawng zawng chu kum zakua leh kum sawmruk leh kum hnih a ni a; tin, a thi ta a.

²¹Tin, Enoka chuan kum sawmruk leh kum nga a nihin fapa Methusela a nei a.

²²Tin, Methusela a neih hnu chuan, Enoka chu kum zathum chhûng zawng Pathian nên an lêng dûn ṭhîn a, fanu leh fapate a nei leh hlawm a.

²³Tichuan, Enoka dam chhûng zawng zawng chu kum zathum leh kum sawmruk leh kum nga a ni a.

²⁴Tin, Enoka chu Pathian nên an lêng dûn ṭhîn a; tin, a awm ta lo va, Pathianin a la bo ta a ni.

²⁵Tin, Methusela chuan kum za leh kum sawmriat leh kum sarih a nihin fapa Lameka a nei a.

²⁶Tin, Lameka a neih hnu chuan Methusela chu kum zasarih leh kum sawmriat leh kum hnih a la dam a, fanu leh fapate a nei leh hlawm a.

²⁷Tichuan, Methusela dam chhûng zawng zawng chu kum zakua leh kum sawmruk leh kum kua a ni a; tin, a thi ta a.

²⁸Tin, Lameka chuan kum za leh kum sawmriat leh kum hnih a nihin fapa a nei a.

²⁹Tin, “He mi ngei hian Lalpa ânchhe lawh lei avânga kan hnathawhna leh kuta kan thawh rimnaah hian min thlamuan tawh ang,” tiin a hmingah Nova a sa a.

³⁰Tin, Nova a neih hnu chuan Lameka chu kum zanga leh kum sawmkua leh kum nga a la dam a, fanu leh fapate a nei leh hlawm a.

³¹Tin, Lameka dam chhûng zawng zawng chu kum zasarih leh kum sawmsarih leh kum sarih a ni a; tin, a thi ta a.

³²Tin, Nova chu kum zanga mi a ni a; Nova chuan fapa Sema te, Hama te, Japhetha te a nei a.