Read Mizo_Old_version BU KHATNA CHRONICLES 2 Bible Online

BU KHATNA CHRONICLES 2 - Mizo_Old_version bible

BU KHATNA CHRONICLES 2

¹Hêngte hi Israela fapate chu an ni: Reubena, Simeona, Levia, Juda, Isakara, Zebuluna,

²Dana, Josefa, Benjamina, Naphtalia, Gada, Asera.

³Juda fapate chu Era, Onana, Sela-te an ni. Chûng mite pathum chu Kanaan mi Bathsuii laka piang an ni. Tin, Juda fa tîr Era chu LALPA mit hmuhin mi sual a ni a; tichuan, a tihlum ta a.

⁴Tin, a monu Tamari chuan Pereza leh Zera a hrinsak a. Juda fapate zawng zawng chu panga an ni.

⁵Pereza fapate chu Hezrona leh Hamula an ni.

⁶Tin, Zera fapate chu Zimria te, Ethana te, Hemana te, Kalkola te, Dara te an ni a, an vaiin panga an ni.

⁷Tin, Karmia fapa chu Akara, Israel-te tibuaitu, thilhlan bawhchhetupa kha a ni.

⁸Tin, Ethana fapa chu Azaria a ni.

⁹Hezrona fapate, a laka piangte chu Jerameela te, Rama te, Kelubaia te an ni.

¹⁰Raman Aminadaba a hring a; tin, Aminadaban Juda thlah mi lian Nasona a hring a;

¹¹Nasonan Salma a hring a, Salman Boaza a hring a;

¹²Boazan Obeda a hring a, Obedan Jesaia a hring a;

¹³Jesaian a fa tîrah Eliaba a hring a, a pahnihna chu Abinadaba, a pathumna chu Simea,

¹⁴a palina chu Nethanela, a pangana chu Radaia,

¹⁵a parukna chu Ozema, a pasarihna chu Davida a ni.

¹⁶Tin, an farnute chu Zeruii leh Abigaili an ni. Tin, Zeruii fapate chu Abisaia te, Joaba te, Asahela te an ni a, pathum an ni.

¹⁷Abigailin Amasa a hring a; tin, Amasa pa chu Ismael mi Jethera a ni.

¹⁸Hezrona fapa Kaleban a nupui Azubi, Jeriothi fanu lakah chuan fate a hring a. Tin, hêngte hi a fapate chu an ni: Jesera, Sobaba, Ardona.

¹⁹Tin, Azubi chu a thi a, Kaleba chuan Ephrathi a nei a, ani chuan Hura a hrinsak a.

²⁰Tin, Hura chuan Uria a hring a, Urian Bezalela a hring a.

²¹Tin, chumi hnuah chuan Hezrona chuan Gileada pa Makira fanu a pâwl a, kum sawmruk a nihin chu mi chu a nei a; ani chuan Seguba a hrinsak a.

²²Seguba chuan Jaira a hring a, ani chuan Gilead ramah khawpui sawmhnih leh pathum a nei a.

²³Gesura leh Arama chuan Jaira khawpuite, Kenath khua leh a khawperte nên, khaw sawmruk an lâksak a. Chûng zawng zawng chu Gileada pa Makira fapate chu an ni.

²⁴Tin Kaleb-ephratha khuaa Hezrona a thih hnu chuan Hezrona nupui Abiji chuan Tekoa pa Asura a hrinsak a.

²⁵Tin, Hezrona fa tîr Jerameela fapa upa ber chu Rama a ni a; tin, Buna te, Orena te, Ozema te, Ahija te an ni.

²⁶Jerameela chuan nupui dang a nei a, a hming chu Atari a ni a, Onama nu a ni.

²⁷Jerameela fapa upa ber Rama fapate chu Maaza te, Jamina te, Ekera te an ni.

²⁸Tin, Onama fapate chu Samaia leh Jada an ni a. Samaia fapate chu Nadaba leh Abisura an ni.

²⁹Tin, Abisura nupuia hming chu Abihaili a ni a; tin, ani chuan Abana leh Molida a hrinsak a.

³⁰Nadaba fapate chu Seleda leh Apaima an ni; Seleda erawh chu fa nei lovin a thi a.

³¹Apaima fapa chu Isia a ni a, Isia fapa chu Sesana a ni a, Sesana fapa chu Alaia a ni.

³²Tin, Samaia unaupa Jada fapate chu Jethera leh Jonathana an ni a; Jethera chu fa nei lovin a thi a.

³³Tin, Jonathana fapate chu Peletha leh Zaza an ni. Chûngte chu Jerameela thlahte an ni.

³⁴Sesana chuan fanute tih loh chu fa a nei lo va. Tin, Sesana chuan Aigupta mi chhiahhlawh a nei a, a hming chu Jara a ni.

³⁵Sesana chuan a fanu chu a chhiahhlawh Jara nupuiah a neihtîr a; tin, Ataia a hrinsak a.

³⁶Ataia chuan Nathana a hring a, Nathana chuan Zabada a hring a;

³⁷Zabada chuan Ephlala a hring a, Ephlala chuan Obeda a hring a;

³⁸Obeda chuan Jehua a hring a, Jehua chuan Azaria a hring a;

³⁹Azaria chuan Heleza a hring a, Heleza chuan Eleasa a hring a;

⁴⁰Eleasa chuan Sismaia a hring a, Sismaia chuan Saluma a hring a;

⁴¹Saluma chuan Jekamia a hring a, Jekamia chuan Elisama a hring a.

⁴²Jerameela unaupa Kaleba fa tîr chu Ziph-ho thlahtu Mesa a ni a, a fapa Maresa chu Hebrona pa a ni.

⁴³Hebrona fapate chu Kora te, Tapua te, Rekema te, Sema te an ni.

⁴⁴Seman Jorkeama pa Rahama a hring a; tin, Rekeman Samaia a hring a.

⁴⁵Samaia fapa chu Maona a ni a; tin, Maona chu Beth-zura pa a ni.

⁴⁶Kaleba hmei Ephi chuan Harana te, Moza te, Gazeza te a hring a; Harana chuan Gazeza a hring a.

⁴⁷Jadaia fapate chu Regema te, Jothama te, Gesana te, Peletha te, Epha te, Saapha te an ni.

⁴⁸Kaleba hmei Maaki chuan Sebera leh Tirhana a hring a.

⁴⁹Madmana pa Saapha leh Makbena leh Gibea pa Seva a hring bawk a; tin, Kaleba fanu chu Aksi a ni.

⁵⁰Hêngte hi Kaleba thlahte an ni: Hura fa, Kiriath-jearim-ho thlahtu, Ephrathi fa tîr Sobala;

⁵¹Bethlehem-ho thlahtu Salma; Beth-gader-ho thlahtu Harepha te hi.

⁵²Tin, Kiriath-jearim-ho thlahtu Sobala chuan Haroe-ho leh Menuhoth-ho zâtve a thlah a.

⁵³Tin, Kiriath-jearim hnamte chu Ithra-ho te, Puth-ho te, Sumath-ho te, Misra-ho te an ni; chûngho aṭang chuan Zorath-ho te leh Estaol-ho te an lo chhuak a.

⁵⁴Salma thlahte chu Bethlehem-ho te, Netophath-ho te, Atroth-beth-joab-ho te, Manahath-ho zâtve te, Zor-ho te an ni.

⁵⁵Tin, Jabez-a awm lehkhaziaktu hnamte chu Tirath-ho te, Simeath-ho te, Sukath-ho te an ni. Chûngte chu Rekaba thlahte zînga mi Hamatha thlah Ken-hote chu an ni.