Read Mizo_Old_version BU KHATNA CHRONICLES 24 Bible Online

BU KHATNA CHRONICLES 24 - Mizo_Old_version bible

BU KHATNA CHRONICLES 24

¹Tin, Arona fapate pâwl ṭhen dân chu hetiang hi a ni. Arona fapate chu Nadaba te, Abihua te, Eleazara te, Ithamara te an ni.

²Nadaba leh Abihua erawh chu an pa aiin an thi hmasa a, fa an nei lo; chuvângin, Eleazara leh Ithamara chuan puithiam hna an thawk a ni.

³Tin, Davidan Eleazara fapa Zadoka leh Ithamara fapa Ahimeleka te nên an rawngbâwl dân tûr a semsak a.

⁴Tin, Ithamara thlahte ai chuan Eleazara thlah puipaa ṭang an tam zâwk a, hetiang hian an ṭhen a: Eleazara thlaha mi, chhûngkaw puipa chu sâwm leh paruk an ni a; tin, Ithamara thlaha mi, chhûngkaw puipa chu pariat an ni.

⁵Chutiang chuan ṭhumvâwrin, ai khata luangin an ṭhen a; Eleazara thlaha mi leh Ithamara thlaha mite zîngah, hmun thianghlima mi liante leh Pathian mi liante an awm ve ve si a.

⁶Tin, Levi mi, lehkhaziaktu, Nethanela fapa Semaian lal leh mi lianhote: puithiam Zadoka te, Abiathara fapa Ahimeleka te, puithiamho leh Levi-ho chhûngkaw puipate mit hmuhah chuan a ziak a; chhûngkaw puipa pakhat chan chu Eleazara chungah a tlu a, pakhat chu Ithamara chungah a tlu a.

⁷Tichuan, ṭhumvâwr vawi khatna chu Jehoiariba chungah a tlu a, vawi hnihna chu Jedaia chungah,

⁸vawi thumna chu Harima chungah, vawi lina chu Seorima chungah,

⁹vawi ngana chu Malkija chungah, vawi rukna chu Mijamina chungah,

¹⁰vawi sarihna chu Hakoza chungah, vawi riatna chu Abija chungah,

¹¹vawi kuana chu Jesua chungah, vawi sâwmna chu Sekania chungah,

¹²vawi sâwm leh vawi khatna chu Eliasiba chungah, vawi sâwm leh vawi hnihna chu Jakima chungah,

¹³vawi sâwm leh vawi thumna chu Hupa chungah, vawi sâwm leh vawi lina chu Jesebeaba chungah,

¹⁴vawi sâwm leh vawi ngana chu Bilga chungah, vawi sâwm leh vawi rukna chu Imera chungah,

¹⁵vawi sâwm leh vawi sarihna chu Hezira chungah, vawi sâwm leh vawi riatna chu Hapizeza chungah,

¹⁶vawi sâwm leh vawi kuana chu Pethahia chungah, vawi sawmhnihna chu Jehezkela chungah,

¹⁷vawi sawmhnih leh vawi khatna chu Jakina chungah, vawi sawmhnih leh vawi hnihna chu Gamula chungah,

¹⁸vawi sawmhnih leh vawi thumna chu Delaia chungah, vawi sawmhnih leh vawi lina chu Maazia chungah.

¹⁹Chu chu LALPA, Israel Pathianin an pu Arona thu a lo pêk, LALPA in chhûnga rawng an bâwl dân tûr a lo ruat dân chu a ni.

²⁰Tin, Levia thlah dangte zînga mi chu: Amrama fate zingah chuan Subaela a ni; Subaela fate zîngah Jehdeia.

²¹Rehabia lamah chuan: Rehabia-hote zîngah puipa Isia.

²²Izhar-ho zîngah Selomotha; Selomotha fate zîngah Jahatha.

²³Hebrona fate chu, a upa ber Jeria a ni a, a chhang Amaria, a chhang leh Jahaziela, a chhang leh Jekameama a ni.

²⁴Uziela fate zînga mi Mika; Mika fate zînga mi Samira a ni.

²⁵Mika unaupa chu Isia a ni a; Isia fate zînga mi Zekaria.

²⁶Meraria fate chu Mahlia leh Musia an ni: Jaazia fate zînga mi Benoa a ni.

²⁷Meraria thlahte chu, Jaazia lakah Benoa te, Sohama te, Zakura te, Ibria te an ni.

²⁸Mahlia lakah Eleazara a ni a, ani chuan fapa a nei lo.

²⁹Kisa lakah chuan Kisa fapa Jerameela a ni.

³⁰Tin, Musia thlahte chu, Mahlia te, Edera te, Jerimotha te an ni. Chûngte chu Levi-ho thlahte zînga an chhûngkaw puipate chu an ni.

³¹Anni pawh chuan Arona fa an unaute ang bawkin, Lal Davida te, Zadoka te, Ahimeleka te, puithiamho leh Levi-ho chhûngkaw puipate mit hmuhah ṭhum an vâwr ve bawk a; chhûngkaw puipa ber leh an unaute pawh ai khata luangin.