Read Mizo_Old_version BU KHATNA CHRONICLES 27 Bible Online

BU KHATNA CHRONICLES 27 - Mizo_Old_version bible

BU KHATNA CHRONICLES 27

¹Israel-ho an tam chin chu chhûngkaw puipa te, sipai sâng hotu te, za hotu te leh lal rawngbâwltu zawng zawng, kum khat chhûnga thla tina inthlâk zêl ṭhîn, pâwl tina mi chu sînghnih leh sângli an ni.

²Pâwl khatna thla khatnaa hotu chu Zabdiela fapa Jasobeama a ni a, a pâwlah chuan sînghnih leh sângli an awm.

³Ani chu Pereza thlaha mi, thla khatnaa sipai hotu zawng zawng hotu ber a ni.

⁴Thla hnihnaa pâwl hotu chu Aho mi Dodaia a ni a, Miklotha pawh a pâwl hotu a ni; a pâwlah chuan sînghnih leh sângli an awm.

⁵Thla thumnaa sipaihote hotu ber chu puithiam Jehoiada fapa Benaia a ni a, a pâwlah chuan sînghnih leh sângli an awm.

⁶He Benaia hi a ni, sawmthumte zînga mi huaisen, sawmthumte chunga mi chu; a pâwlah chuan a fapa Amizabada a tel.

⁷Thla linaa sipai hotu chu Joaba unaupa Asahela a ni a, a fapa Zebadian a zui a ni; tin, a pâwlah chuan sînghnih leh sângli an awm.

⁸Thla nganaa sipai hotu chu Izra mi Samhutha a ni a; a pâwlah chuan sînghnih leh sângli an awm.

⁹Thla ruknaa sipai hotu chu Teko mi, Ikesa fapa Ira a ni a; tin, a pâwlah chuan sînghnih leh sângli an awm.

¹⁰Thla sarihnaa sipai hotu chu Ephraima thlah Pelon mi Heleza a ni a, a pâwlah chuan sînghnih leh sângli an awm.

¹¹Thla riatnaa sipai hotu chu Zera thlah, Husath mi Sibekaia a ni a; a pâwlah chuan sînghnih leh sângli an awm.

¹²Thla kuanaa sipai hotu chu Benjamina thlah Anathoth mi Abiezera a ni a; a pâwlah chuan sînghnih leh sângli an awm.

¹³Thla sâwmnaa sipai hotu chu Zera thlah Netophath mi Maharaia a ni a; a pâwlah chuan sînghnih leh sângli an awm.

¹⁴Thla sâwm leh thla khatnaa sipai hotu chu Ephraima thlah Pirathon mi Benaia a ni a; a pâwlah chuan sînghnih leh sângli an awm.

¹⁵Thla sâwm leh thla hnihnaa sipai hotu chu Othniela thlah Netophath mi Heldaia a ni a; a pâwlah chuan sînghnih leh sângli an awm.

¹⁶Chûng lo pawh chu, Israel hnamho chunga Reuben-hote zîngah chuan Zikria fapa Eliezera chu rorêltu a ni a; Simeon-ho zîngah Maaka fapa Sephatia;

¹⁷Levi-ho zîngah Kemuela fapa Hasabia; Arnon-ho zîngah Zadoka;

¹⁸Juda-ho zîngah Davida unaute zînga mi Elihua; Isakar-ho zîngah Mikaela fapa Omria;

¹⁹Zebulun-ho zîngah Obadia fapa Ismaia; Naphtali-ho zîngah Azriela fapa Jerimotha;

²⁰Ephraima thlahte zîngah Azazia fapa Hosea; Manase hnam zâtvete zîngah Pedaia fapa Joela;

²¹Gilead rama Manase hnam zâtvete zîngah Zekaria fapa Idova; Benjamin-ho zîngah Abnera fapa Jaasiela;

²²Dan-ho zîngah Jerohama fapa Azarela. Chûngte chu Israel hnam hotute an ni.

²³Davida chuan kum sawmhnih achin hnuai lam chu a chhiar lo va, Israel-hote chu vâna arsi zât khian a la tipung ang tih LALPAN a lo sawi tawh avângin.

²⁴Zeruii fapa Joaba chuan a han chhiar ṭan a; nimahsela, a chhiar zo lo va, Israel-te chungah thinurna a lo thleng ta a; Lal Davida lal lai chanchin ziakna buah a zât ziak a ni bawk hek lo.

²⁵Lal sum enkawltu chu Adiela fapa Azmavetha a ni a; tin, lo lamah te, khawpuiah te, khawperah te, in sângtea sum enkawltu chu Uzia fapa Jonathana a ni a.

²⁶Lova leileh hna thawkho enkawltu chu Keluba fapa Ezria a ni a.

²⁷Grêp huan enkawltu chu Ramath mi Simeia a ni a; tin, grêp huana mi uain sâwr dah khâwmna enkawltu chu Siphmit mi Zabdia a ni a.

²⁸Phai ruama olive thing leh theipui kûngte enkawltu chu Geder mi Baal-hanana a ni a; tin, hriak dah khâwmna enkawltu chu Joasa a ni.

²⁹Tin, Saron-a tla ran rual enkawltu chu Saron mi Sitraia a ni a; ruama ran rual enkawltu chu Adlaia fapa Saphata a ni.

³⁰Sanghâwngsei enkawltu chu Ismael mi Obila a ni a; tin, sabengtung enkawltu chu Meronoth mi Jehdeia a ni a;

³¹tin, berâm rual enkawltu chu Hagar mi Jaziza a ni. Chûng zawng zawng chu Lal Davida sum enkawltute an ni.

³²Tin, Davida pami, mi fing, lehkha thiam tak Jonathana chu remruattu a ni a; tin, Hakmonia fapa Jehiela chu lal fapate zirtîrtu a ni.

³³Ahithophela chu lal remruatpuitu a ni a; tin, Ark mi Husaia chu lal ṭhian a ni.

³⁴Ahithophela dawtah chuan Benaia fapa Jehoiada leh Abiathara an ni a; tin, lal sipaiho hotu chu Joaba a ni.