Read Mizo_Old_version BU KHATNA CHRONICLES 4 Bible Online

BU KHATNA CHRONICLES 4 - Mizo_Old_version bible

BU KHATNA CHRONICLES 4

¹Juda fapate chu Pereza te, Hezrona te, Karmia te, Hura te, Sobala te an ni.

²Tin, Sobala fapa Reaian Jahatha a hring a; tin, Jahathan Ahumaia leh Lahada a hring a, chûng chu Zorath-ho hnamte an ni.

³Etama pa fapate chu Jezreela te, Isma te, Idbasa te an ni a, an farnu hming chu Hazelelponi a ni;

⁴tin, Gedora pa Penuela leh Husa pa Ezera an ni. Chûngte chu Bethlehema pa, Ephrathi fa tîr, Hura thlahte an ni.

⁵Tin, Tekoa pa Asura chuan nupui pahnih Heli leh Naari a nei a.

⁶Tin, Naari chuan Ahuzama te, Hephera te, Temenia te, Haahastaria te a hrinsak a. Chûngte chu Naari fapate an ni.

⁷Tin, Heli fapate chu Zeretha te, Izara te, Ethnana te an ni.

⁸Tin, Hakozan Anuba te, Zobeba te, Haruma fapa Aharlel-ho thlahte a hring a.

⁹Tin, Jabeza chu a unaute aia mi zahawm a ni a, a nu chuan, “Lungngai chunga ka hrin a ni a,” tiin a hmingah Jabeza a ti a ni.

¹⁰Tin, Jabeza chuan, “Aw, mal mi sâwm ngei ngei la, ka ramri hi mi zauh la, i kut chuan mi awmpuiin lungngaihna ka chungah a thlen loh nân sual lak ata mi thiarfihlîm ang che,” tiin Israel-te Pathian chu a au va. Tichuan, Pathianin a thil dîl chu a hlawhtlintîr a.

¹¹Suha unaupa Keluban Mehira a hring a, chu mi chu Estona pa a ni.

¹²Tin, Estona chuan Beth-rapha te, Pasea te, Ir-nahasa pa Tehina te a hring a. Chûngte chu Reka-hote an ni.

¹³Kenaza fapate chu Othniela leh Seraia an ni. Othniela fapa chu Hathatha a ni.

¹⁴Tin, Meonothaian Ophra a hring a; tin, Seraian Ge-harasim-ho thlahtu Joaba a hring a, chu mite chu kut themthiam mi an ni.

¹⁵Tin, Jephunea fapa Kaleba fapate chu Irua te, Ela te, Naama te an ni a. Ela fapa chu Kenaza a ni.

¹⁶Jehalelela fapate chu Zipa te, Zipha te, Tiria te, Asarela te an ni.

¹⁷Ezra fapate chu Jethera te, Mereda te, Ephera te, Jalona te an ni. Pharaoa fanu Bithiaii, Mereda nupui fapate chu Miriama te, Samaia te, Estemoa pa Isba te an ni.

¹⁸Tin, a nupui Juda hmeichhiain Gedora pa Jereda te, Sokoa pa Hebera te, Zanoa pa Jekuthiela te a hring a.

¹⁹Tin, Nahama farnu Hodia nupuia fapate chu Garm-ho thlahtu Keila pa leh Maakath-ho thlahtu Estemoa an ni.

²⁰Tin, Simona fapate chu Amnona te, Rina te, Ben-hanana te, Tilona te an ni. Tin, Isia fapate chu Zohetha leh Ben-zohetha an ni.

²¹Juda fapa Sela fapate chu Leka pa Era te, Maresa pa Laada te, Asbea-ho puan zai sîn siamtuhote an ni a;

²²tin, Jokima te, Kozeba-ho te, Joasa te, Sarapha, Moab rama rorêla awma, chumi hnua Jasubi-lehem-a awm taa te kha an ni.

²³Chûng thuziak chu hmasânga mi a ni. Chûngho chu bêl vawtu, Netaim leh Gedera khuaa awm an ni a, lal hnênah a hna thawkin an awm a ni.

²⁴Simeona fapate chu Nemuela te, Jamina te, Jariba te, Zera te, Saula te an ni;

²⁵Saula fapa chu Saluma a ni a, chu mi fapa chu Mibsama a ni a, chu mi fapa chu Misma a ni.

²⁶Tin, Misma fapa chu Hamuela a ni a; chu mi fapa chu Zakura a ni a, chu mi fapa chu Simeia a ni.

²⁷Simeia chuan fapa sâwm leh paruk leh fanu paruk a nei a; a unaute erawh chuan fa an ngah ve lo va, Juda thlahte angin an thlahte pawh an pung ve lo.

²⁸Beer-seba-ah te, Molada-ah te, Hazar-sual-ah te an awm a,

²⁹Bilha-ah te, Ezem-ah te, Tolad-ah te,

³⁰Bethuel-ah te, Horma-ah te, Ziglag-ah te,

³¹Beth-markaboth-ah te, Hazar-susim-ah te, Beth-biri-ah te, Saraim-ah te pawh. Chûngte chu Davida lal thlenga an khawpuite chu a ni.

³²Tin, an khua chu khaw nga - Etam te, Ain te, Rimon te, Token te, Asan te a ni;

³³tin, chumi vêla khaw tê zawng zawng Baal thlengin a ni. Chûngte chu an chênna a ni a, an thlahtute thu ziakna an kawl bawk.

³⁴Tin, Mesobaba te, Jamleka te, Amazia fapa Josa te,

³⁵Joela te, Josibia fapa Jehua te (chu mite pa chu Asiela fapa Seraia a ni a),

³⁶Elioenaia te, Jaakoba te, Jesohaia te, Asaia te, Adiela te, Jesi-miela te, Benaia te,

³⁷Siphia fapa Ziza te, chu mite pa chu Allona a ni a, chu mi chu Jedaia fapa a ni a, chu mi chu Simria fapa a ni a, chu mi chu Semaia fapa a ni a.

³⁸Chûng an hming an lamte chu an chhûngkaw puipate an ni a, an chhûngkua chu nasa takin an lo pung ta a.

³⁹Tin, Gedor luhnaah, ruam chhak lampang thlengin an ran rualte tlatna tûr zawngin an kal a.

⁴⁰Tin, ran tlatna hnim tui tak tak leh ṭha tak tak an hmu a, a ram chu a zauvin a reh a, râlmuanawm tak a ni; a hmaa lo awmte chu Hama thlahte an ni a.

⁴¹Tichuan, chûng an hming an ziakate chu Judai ram lal Hezekia lal lai khân an lût a, an puan inte leh chutih laia Meunim-ho lo awmte chu an tiboral vek a, tûn thlengin an hmun chu an luahsak a; an ran rual tân tlatna a awm avângin.

⁴²Tin, ṭhenkhat Simeona fapateho, mi zanga lai Seir tlângah an kal a, an hotu atân Isia fapate - Pelatia te, Nearia te, Rephaia te, Uziela te an hmang a.

⁴³Tichuan, Amalek-ho hnam tlân bo la awmte kha an hneh a, tûn thlengin chutah chuan an awm ta a.