Read Mizo_Old_version BU KHATNA CHRONICLES 6 Bible Online

BU KHATNA CHRONICLES 6 - Mizo_Old_version bible

BU KHATNA CHRONICLES 6

¹Levia fapate chu Gersona te, Kohatha te, Meraria te an ni.

²Tin, Kohatha fapate chu Amrama te, Izara te, Hebrona te, Uziela te an ni.

³Tin, Amrama thlahte chu Arona te, Mosia te, Miriami te an ni a. Tin, Arona fapate chu Nadaba te, Abihua te, Eleazara te, Ithamara te an ni.

⁴Eleazara chuan Phinehasa a hring a, Phinehasan Abisua a hring a;

⁵Abisuan Bukia a hring a, Bukian Uzia a hring a;

⁶Uzian Zerahia a hring a, Zerahian Meraiotha a hring a;

⁷Meraiothan Amaria a hring a, Amarian Ahituba a hring a;

⁸Ahituban Zadoka a hring a, Zadokan Ahimaaza a hring a;

⁹Ahimaazan Azaria a hring a, Azarian Johanana a hring a;

¹⁰Johananan Azaria a hring a (chu mi chuan a ni, Jerusalem-a Solomona sak biak ina puithiam hna thawk ni);

¹¹Azarian Amaria a hring a, Amarian Ahituba a hring a;

¹²Ahituban Zadoka a hring a, Zadokan Saluma a hring a;

¹³Saluman Hilkia a hring a, Hilkian Azaria a hring a;

¹⁴Azarian Seraia a hring a, Seraian Jehozadaka a hring a;

¹⁵LALPAN Judai ram leh Jerusalem khua Nebukadnezzara kuta a pêk lai khân Jehozadaka chu salah a tâng ve a.

¹⁶Levia fapate chu Gersoma te, Kohatha te, Meraria te an ni.

¹⁷Hêng hi Gersoma fapate hming chu a ni: Libnia leh Simeia.

¹⁸Kohatha fapate chu Amrama te, Izara te, Hebrona te, Uziela te an ni.

¹⁹Meraria fapate chu Mahlia leh Musia an ni. Chûngte chu an chhûngkaw kal dân ang zêla Levi-ho hnamte chu an ni.

²⁰Gersoma fapa chu Libnia a ni a, chu mi fapa chu Jahatha a ni a, chu mi fapa chu Zima a ni a,

²¹chu mi fapa chu Joa a ni a, chu mi fapa chu Idova a ni a, chu mi fapa chu Zera a ni a, chu mi fapa chu Jeatheraia a ni.

²²Kohatha fapate chu: Aminadaba a ni a, chu mi fapa chu Kora a ni a, chu mi fapa chu Asira a ni a,

²³chu mi fapa chu Elkana a ni a, chu mi fapa chu Ebiasapha a ni a, chu mi fapa chu Asira a ni a,

²⁴chu mi fapa chu Tahatha a ni a, chu mi fapa chu Uriela a ni a, chu mi fapa chu Uzia a ni a, chu mi fapa chu Saula a ni.

²⁵Elkana fapate chu: Amasaia leh Ahimotha an ni.

²⁶Elkana thlahte chu: Elkana fapa chu Zophaia a ni a, chu mi fapa chu Nahatha a ni a,

²⁷chu mi fapa chu Eliaba a ni a, chu mi fapa chu Jerohama a ni a, chu mi fapa chu Elkana a ni.

²⁸Samuela fapate chu a upa zâwk chu Joela a ni a, a dawttu chu Abija a ni.

²⁹Meraria fapa chu Mahlia a ni a, chu mi fapa chu Libnia a ni a, chu mi fapa chu Simeia a ni a, chu mi fapa chu Uza a ni a,

³⁰chu mi fapa chu Simea a ni a, chu mi fapa chu Hagia a ni a, chu mi fapa chu Asaia a ni.

³¹Chûngte chu a ni, bâwm dah hnua LALPA ina hla hruaitu atâna Davidan a ruatte chu.

³²Tichuan, Solomonan Jerusalem-a LALPA in a sak hma loh chu, inbiakna puan inah chuan hlain rawng an bâwl ṭhîn a, an inchhâwk kual ṭhîn a ni.

³³Tin, hêngte hi chûng hna thawktute chu an ni, an fapate nên, Kohath-ho thlahte chu: hla satu Hemana a ni a, chu mi pa chu Joela a ni a, chu mi pa chu Samuela a ni a,

³⁴chu mi pa chu Elkana a ni a, chu mi pa chu Jerohama a ni a, chu mi pa chu Eliela a ni a, chu mi pa chu Tova a ni a,

³⁵chu mi pa chu Zupha a ni a, chu mi pa chu Elkana a ni a, chu mi pa chu Mahatha a ni a, chu mi pa chu Amasaia a ni a,

³⁶chu mi pa chu Elkana a ni a, chu mi pa chu Joela a ni a, chu mi pa chu Azaria a ni a, chu mi pa chu Zephania a ni a,

³⁷chu mi pa chu Tahatha a ni a, chu mi pa chu Asira a ni a, chu mi pa chu Ebiasapha a ni a, chu mi pa chu Kora a ni a,

³⁸chu mi pa chu Izara a ni a, chu mi pa chu Kohatha a ni a, chu mi pa chu Levia a ni a, chu mi pa chu Israela a ni a.

³⁹Tin, a unaupa chu Asapha, a ding lama che ṭhîn a ni a, Asapha pa chu Berekia a ni a, chu mi pa chu Simea a ni a,

⁴⁰chu mi pa chu Mikaela a ni a, chu mi pa chu Baaseia a ni a, chu mi pa chu Malkija a ni a,

⁴¹chu mi pa chu Ethnia a ni a, chu mi pa chu Zera a ni a, chu mi pa chu Adaia a ni a,

⁴²chu mi pa chu Ethana a ni a, chu mi pa chu Zima a ni a, chu mi pa chu Simeia a ni a,

⁴³chu mi pa chu Jahatha a ni a, chu mi pa chu Gersoma a ni a, chu mi pa chu Levia a ni a.

⁴⁴Tin, vei lama che ṭhîn an unau, Meraria fapa chu Ethana a ni a, chu mi pa chu Kisia a ni a, chu mi pa chu Abdia a ni a, chu mi pa chu Maluka a ni a,

⁴⁵chu mi pa chu Hasabia a ni a, chu mi pa chu Amazia a ni a, chu mi pa chu Hilkia a ni a,

⁴⁶chu mi pa chu Amzia a ni a, chu mi pa chu Bania a ni a, chu mi pa chu Semera a ni a,

⁴⁷chu mi pa chu Mahlia a ni a, chu mi pa chu Musia a ni a, chu mi pa chu Meraria a ni a, chu mi pa chu Levia a ni a.

⁴⁸Tin, an unau Levi-hote chu Pathian biakbûka rawngbâwl hna zawng zawng thawk tûra ruat an ni.

⁴⁹Arona leh a thlahte erawh chuan Pathian chhiahhlawh Mosian thu a lo pêk tawh zawng zawng ang khân, hmun thianghlim ber hna zawng zawng chu changin, Israel-te tâna remna siam nân hâlral thilhlanna maichâmah leh rimtui hlanna maichâmah an hlân ṭhîn a.

⁵⁰Tin, hêngte hi Arona fapate chu an ni: Eleazara chu a fapa a ni a, chu mi fapa chu Phinehasa a ni a, chu mi fapa chu Abisua a ni a,

⁵¹chu mi fapa chu Bukia a ni a, chu mi fapa chu Uzia a ni a, chu mi fapa chu Zerahia a ni a,

⁵²chu mi fapa chu Meraiotha a ni a, chu mi fapa chu Amaria a ni a, chu mi fapa chu Ahituba a ni a,

⁵³chu mi fapa chu Zadoka a ni a, chu mi fapa chu Ahimaaza a ni.

⁵⁴Tin, hêngte hi an ram chhûnga an awmhmun khuar dân ang zêla an awmhmunte chu a ni: Arona fa, Kohath mi hnamte chu (ṭhum vâwr chu an chunga tlu hmasa ber a ni rêng a)

⁵⁵Judai rama Hebron leh a daivêlte chu an pe a.

⁵⁶Khawpui daivêlte leh a khawperte erawh chu Jephunea fapa Kaleba an pe a.

⁵⁷Tin, Arona fapate chu inhumhimna khawpui Hebron te, Libna khua a daivêlte nên, Jatir leh Estemoa khua a daivêlte nên,

⁵⁸Hilen khua a daivêlte nên, Debir khua a daivêlte nên,

⁵⁹Asan khua a daivêlte nên, Beth-semes khua a daivêlte nên;

⁶⁰Benjamin hnamte zîng ata Geba khua a daivêlte nên, Alemeth khua a daivêlte nên, Anathoth khua a daivêlte nên an pe a. An hnam zînga khawpui pêk zawng zawng chu khaw sâwm leh khaw thum a ni.

⁶¹Tin, Kohatha fapa dangte chu hnam zâtve, Manasea thlahte hnam zâtve chanpuala mite khawpui sâwm, ṭhum vâwrin an pe a.

⁶²Tin, Gersoma fapate chu an hnam kal dân ang zêlin, Isakar hnam chanpuala mi te, Aser hnam chanpuala mi te, Naphtali hnam chanpuala mi te, Basan rama Manase hnam chanpuala mi te, khawpui sâwm leh pathum an pe a.

⁶³Meraria fapate chu an hnam kal dân ang zêlin Reuben hnam chanpuala mi te, Gad hnam chanpuala mi te, Zebulun hnam chanpuala mi te, ṭhum vâwrin khaw sâwm leh pahnih an pe a.

⁶⁴Tin, Israela thlahte chuan Levi-ho chite chu khawpuite leh a daivêlte an pe a.

⁶⁵Tichuan, Juda hnam chanpuala mi te, Simeon hnam chanpuala mi te, Benjamin hnam chanpuala mi te khawpui hming sawi tâkte chu ṭhum vâwrin an pe a ni.

⁶⁶Tin, Kohatha thlahte hnam ṭhenkhat chuan Ephraim-hote chanpuala mi khawpuite an chang a.

⁶⁷Tin, Ephraim tlâng rama inhumhimna khawpui Sekem chu a daivêlte nên an pe a, Gezer a daivêlte nên;

⁶⁸Jokmeam a daivêlte nên, Beth-horon a daivêlte nên,

⁶⁹Aijalon a daivêlte nên, Gath-rimon a daivêlte nên.

⁷⁰Tin, Manase hnam zâtvete chanpuala mi chu - Kohatha thlahte hnam la awmte tân chuan - Aner a dai vêlte nên, Bileam a daivêlte nên an pe a.

⁷¹Manase hnam zâtvete chanpuala mi Gersoma fapate an pêk chu Basan rama Golan a daivêlte nên, Astaroth a daivêlte nên a ni.

⁷²Isakar hnam chanpuala mi Kedes a daivêlte nên, Daberath a daivêlte nên,

⁷³Ramoth a daivêlte nên, Anem a daivêlte nên;

⁷⁴Aser hnam chanpuala mi Masal a daivêlte nên, Abdon a daivêlte nên,

⁷⁵Hukok a daivêlte nên, Rehob a daivêlte nên;

⁷⁶Naphtali hnam chanpuala mi Galili rama Kedes a daivêlte nên, Hamon a daivêlte nên, Kiriathaim a daivêlte nên a ni.

⁷⁷Tin, Meraria thlah Levi-ho dangte an pêk chu Zebulun hnam chanpuala mi Rimono khua a daivêlte nên, Tabor khua a daivêlte nên;

⁷⁸Jeriko zâwn Jordan râl, Jordan chhak lampangah Reuben hnam chanpuala mi thlalêra Bezer khua a daivêlte nên, Jahzah khua a daivêlte nên,

⁷⁹Kedemoth khua a daivêlte nên, Mephaath khua a daivêlte nên;

⁸⁰Gad hnam chanpuala mi Gilead rama Ramoth khua a daivêlte nên, Mahanaim khua a daivêlte nên,

⁸¹Hesbon khua a daivêlte nên, Jazer khua a daivêlte nên a ni.