Read Mizo_Old_version BU KHATNA CHRONICLES 7 Bible Online

BU KHATNA CHRONICLES 7 - Mizo_Old_version bible

BU KHATNA CHRONICLES 7

¹Isakara fapate chu Tola te, Pua te, Jasuba te, Simrona te an ni a, pali an ni.

²Tola fapate chu Uzia te, Rephaia te, Jeriela te, Jamaia te, Ibsama te, Samuela te an ni a, Tola thlahtea chhûngkaw puipa an ni. Anmahni chhuana mi chak huaisen an ni a; Davida dam lai chuan sînghnih leh sânghnih leh zaruk an ni.

³Uzia fapa chu Izrahia a ni a; Izrahia fapate chu Mikaela te, Obadia te, Joela te, Isia te an ni. Panga an ni a, an vaiin puipa an ni.

⁴Tin, an chhûngkaw chhiarnaa chhiar tel sipai sîngthum leh sângruk an awm bawk a; nupui leh fapa tam tak nei an ni.

⁵Tin, Isakar hnam zawng zawng chhiarnaa chhiar tel an unaute chu mi chak huaisen sîngriat leh sângsarih an ni.

⁶Benjamina fapate chu Bela te, Bekera te, Jediaela te an ni a, pathum an ni.

⁷Bela fapate chu Ezbona te, Uzia te, Uziela te, Jerimotha te, Iria te an ni a, panga an ni. Chhûngkaw puipa, mi chak huaisen an ni a, thlahte chhiarnaa chhiarte chu sînghnih leh sânghnih leh sawmthum leh pali an ni.

⁸Bekera fapate chu Zemira te, Joasa te, Eliezera te, Elioenaia te, Omria te, Jeremotha te, Abija te, Anathotha te, Alemetha te an ni. Chûng zawng zawng chu Bekera fapate an ni.

⁹Tin, anni chu thlahte chhiarnaa ziak dân chuan chhûngkaw puipa, mi chak huaisen sînghnih leh zahnih an ni.

¹⁰Jediaela fapa chu Bilhana a ni a; Bilhana fapate chu Jeusa te, Benjamina te, Ehuda te, Kenaana te, Zethana te, Tarsisa te, Ahisahara te an ni.

¹¹Jediaela thlah zawng zawngte chu chhûngkaw puipa mi chak huaisen, sîngkhat leh sângsarih leh zahnih an ni.

¹²Ira fapa Supima leh Hupima te, Ahera fapa Husima te nên.

¹³Naphtalia fapate chu Jaziela te, Gunia te, Jezera te, Saluma te an ni a, Bilhaii fate an ni.

¹⁴Manasea fapate chu, a nupuiin Asriela a hring a (A hmeinu Aram miin Gileada pa Makira a hring a;

¹⁵Makira chuan Hupim leh Supim mi nupuiah a nei a; tin, a farnu hming chu Maaki a ni), a dawttu hming chu Zelophehada a ni; tin, Zelophehada chuan fanute a nei a.

¹⁶Makira nupui Maaki chuan fapa a hring a, a hmingah Peresa a sa a. A unaupa hming chu Seresa a ni a; a fapate chu Ulama leh Rakema an ni.

¹⁷Ulama fapa chu Bedana a ni. Chûngte chu Manasea thlah Makira fapa Gileada fapate chu an ni.

¹⁸Tin, a farnu Hamoleketin Isoda te, Abiezera te, Malaa te a hring a.

¹⁹Tin, Semida fapate chu Ahiana te, Sekema te, Likhia te, Aniama te an ni.

²⁰Ephraima fapa chu Suthela a ni a, chu mi fapa chu Bereda a ni a, chu mi fapa chu Tahatha a ni a, chu mi fapa chu Eleada a ni a, chu mi fapa chu Tahatha a ni a,

²¹chu mi fapa chu Zabada a ni a, chu mi fapa chu Suthela a ni a, Ezera leh Eleada, chumi rama chêng Gath khuaa mite ran rual zuk lâk an tum avânga an lo thah tâkte nên.

²²An pa Ephraima chuan ni rei tak a sûn a; tin, a unaute chu amah hnêm tûrin an va kal a.

²³Tin, a nupui chu a pâwl a, a rai a, fapa a hring a, vânduainain an in chhûng a tlâkbuak avângin a hmingah chuan Beria a sa a.

²⁴Tin, a fanu chu Seerai a ni a, chu mi chuan Beth-horon thlangta zâwk leh chhakta zâwk leh Uzen-seera a siam a.

²⁵A fapa chu Repha a ni a, Resepha nên, chu mi fapa chu Tela a ni a, chu mi fapa chu Tahana a ni a,

²⁶chu mi fapa chu Ladana a ni a, chu mi fapa chu Amihuda a ni a, chu mi fapa chu Elisama a ni a,

²⁷chu mi fapa chu Nuna a ni a, chu mi fapa chu Josua a ni.

²⁸Tin, an chanpual leh an chênnate chu Bethel leh a khawperte, chhak lamah Naaran, thlang lamah Gezer a khawperte nên, Sekem pawh a khawperte nên, Aza a khawperte thlengin;

²⁹tin, Manasea thlahte ramri lamah chuan Beth-san leh a khawper te, Taanak leh a khawper te, Megido leh a khawper te, Dor leh a khawperte nên a ni. Chûngah chuan Israela fa Josefa thlahte chu an awm a ni.

³⁰Asera fate chu Imna te, Isva te, Isvia te, Beria te, an farnu Seri te an ni.

³¹Tin, Beria fapate chu Hebera leh Birzaitha pa Malkiela an ni.

³²Tin, Hebera chuan Japhleta te, Somera te, Hothama te, an farnu Suai te a hring a.

³³Japhleta fapate chu Pasaka te, Bimhala te, Asvatha te an ni. Chûngte chu Japhleta thlahte an ni.

³⁴Semera fapate chu Ahia te, Roga te, Jehuba te, Arama te an ni.

³⁵Tin, a unaupa Helema fapate chu Zopha te, Imna te, Selesa te, Amala te an ni.

³⁶Zopha fapate chu Suaha te, Harnephera te, Shuala te, Beria te, Imra te,

³⁷Bezera te, Hoda te, Samma te, Silsa te, Ithrana te, Beera te an ni.

³⁸Jethera fapate chu Jephunea te, Pispa te, Ara te an ni.

³⁹Tin, Ula fapate chu Ara te, Haniela te, Rizia te an ni.

⁴⁰Chûng zawng zawngte chu Asera thlah, chhûngkaw puipa, mi chak huaisen, hotu berte chu an ni. Tichuan, thlahte chhiarnaah râlkaia chhiarte chu sînghnih leh sângruk an ni.