Read Mizo_Old_version BU KHATNA CHRONICLES 9 Bible Online

BU KHATNA CHRONICLES 9 - Mizo_Old_version bible

BU KHATNA CHRONICLES 9

¹Chutichuan, Israel zawng zawng chu thlahte chhiarnaa chhiar an ni a; tichuan, ngai teh, Israel lalte lehkhabuah a chuang a ni. Juda-te erawh chu an bawhchhiatna avângin Babulon-ah sala hruaiin an awm a.

²Tin, an chanpual khua luah ṭantute chu Israel-ho te, puithiamho te, Levi-ho te, Nethin-ho te an ni.

³Tin, Jerusalem-ah chuan Juda thlahte, Benjamina thlahte, Ephraima leh Manasea thlahte an awm a:

⁴Uthaia chu Amihuda fapa a ni a, chu mi chu Omria fapa a ni a, chu mi chu Imria fapa a ni a, chu mi chu Bania fapa a ni a, chûngte chu Juda fapa Pereza thlahte an ni.

⁵Silon-ho thlahte chu: Asaia chu an zînga upa ber a ni a, a fate nên.

⁶Zera thlahte chu: Jeuela, a unaute nên, zaruk leh sawmkua an ni.

⁷Benjamina thlahte chu: Salua chu Mesulama fapa a ni a, chu mi chu Hodavia fapa a ni a, chu mi chu Hasenua fapa a ni a;

⁸Ibneia chu Jerohama fapa a ni a; Ela chu Uzia fapa a ni a, chu mi chu Mikria fapa a ni a; Mesulama chu Sephatia fapa a ni a, chu mi chu Reuela fapa a ni a, chu mi chu Ibnija fapa a ni;

⁹tin, anmahniho chhuanah chuan unau zakua leh sawmnga leh paruk an ni. Chûng zawng zawngte chu an hnam zînga an chhûngkaw puipate an ni.

¹⁰Puithiamte chu: Jedaia te, Jehoiariba te, Jakina te,

¹¹Hilkia fapa Azaria te an ni a; chu mi chu Mesulama fapa a ni a, chu mi chu Zadoka fapa a ni a, chu mi chu Meraiotha fapa a ni a, chu mi chu Pathian ina hotu Ahituba fapa a ni a;

¹²Jerohama fapa Adaia te nên, chu mi chu Pasura fapa a ni a, chu mi chu Malkija fapa a ni a, Adiela fapa Maasaia te nên, chu mi chu Jazera fapa a ni a, chu mi chu Mesulama fapa a ni a, chu mi chu Mesilemitha fapa a ni a, chu mi chu Imera fapa a ni a;

¹³an unaute chu chhûngkaw puipa, sângkhat leh zasarih leh sawmruk an ni a. Pathian ina rawngbâwl hna thawk mi tak an ni.

¹⁴Levi-hote chu: Hasuba fapa Semaia a ni a, chu mi chu Azrikama fapa a ni a, chu mi chu Hasabia fapa a ni a, chûngte chu Meraria fapate an ni;

¹⁵Bakbakara te, Heresa te, Galala te, Matania te an ni a, chu mi chu Mika fapa a ni a, chu mi chu Zikria fapa a ni a, chu mi chu Asapha fapa a ni.

¹⁶Semaia fapa Obadia, chu mi chu Galala fapa a ni a, chu mi chu Jeduthuna fapa a ni; tin, Asa fapa Berekia, chu mi chu Netophath-ho khuaa mi Elkana fapa a ni a.

¹⁷Tin, kawngkhâr vêngtute chu Saluma te, Akuba te, Talmona te, Ahimana te, an unaute nên an ni. Saluma chu hotu ber a ni.

¹⁸Ani chu tûn hmain lal kulh kawngka chhakta vêngtu a ni ṭhîn a; anni chu Levia thlahte riahhmun kawngkhâr vêngtu an ni.

¹⁹Korea fapa chu Saluma a ni a, chu mi chu Ebiasapha fapa a ni a, chu mi chu Kora fapa a ni a, chûngte chu an unau an chhûngte Kora-hote nên rawngbâwltu, biakbûk kawngkhârte vêngtu an ni a. An pute chu LALPA biakbûk rawngbâwltu, a luhnate vêngtu an ni ṭhîn.

²⁰Tûn hma chuan Eleazara fapa Phinehasa chu an hotu a ni a; LALPA chu a hnênah a awm a.

²¹Meselemia fapa Zekaria chu inbiakna puan in kawngkhâr vêngtu a ni a.

²²Chûng kawngkhâr vêngtu atâna thlan zawng zawngte chu zahnih leh sâwm leh pahnih an ni. Davida leh zâwlnei Samuelan an thawh tûr an lo ruatte chu mahni khua ṭheuhva thlahte chhiarnaa ziak an ni.

²³Chutichuan, anmahni leh an fate chuan LALPA in kawngkhâr, biakbûk in kawngkhârte chu enkawlin, vêngtu chan an chang ṭhîn a ni.

²⁴A kil pali - chhak lampangah te, thlang lampangah te, hmâr lampangah te, chhim lampangah te chuan - kawngkhâr vêngtute an awm ṭhîn a.

²⁵Tin, khuaa mi an unaute chu, ni sarih apiangin hunbi nei têin an hnêna awm tûrin an kal ve ṭhîn tûr a ni.

²⁶Kawngkhâr vêngtu hotu palite chu Levi hnamte an ni a, Pathian ina sum dahna leh pindan enkawltu an ni si a.

²⁷Tichuan, enkawlna chu an hna a nih avâng leh, tûk tina kawng hawn chu an hna a nih avângin Pathian in vêlahte chuan an riak ṭhîn a ni.

²⁸ṭhenkhat chuan rawngbâwlna bungbêl an enkawl a, an dah luh dâwn leh an lâk chhuah dâwnin an chhiar zêl ṭhîn a ni.

²⁹ṭhenkhat chu bungrua te, hmun thianghlima bungbêl zawng zawng te, chhangphut dip tak te, uain te, hriak te, beraw leh rimtui te enkawl tûra ruat an ni a.

³⁰Tin, puithiam fapa ṭhenkhat chuan rimtui an siam ṭhîn a.

³¹Kora hnam, Saluma fapa upa ber, Levi mi Matithia chu bêla thil kan lam ngaihtuahtu a ni.

³²Tin, Kohath-ho thlahte zînga mi an unau ṭhenkhat chu chhangdah, Chawlhni apianga buatsaiha chhang dahtute an ni.

³³Chûngte chu hla satuho, Levi-ho chhûngkaw puipa, biak in pindan nghâktu, rawngbâwlna danga âwlte an ni a; chhûn leh zâna thawk reng an ni.

³⁴Chûngte chu anmahni chhuan zawng zawnga hotu, Levi-ho chhûngkaw puipate an ni a, Jerusalem-a awm an ni.

³⁵Gibeon-ah chuan Gibeon-ho thlahtu Jeiela a awm a (a nupuia hming chu Maaki a ni),

³⁶a fa tîr chu Abdona a ni a, a dangte chu Zura te, Kisa te, Baala te, Nera te, Nadaba te,

³⁷Gedora te, Ahiova te, Zekaria te, Miklotha te an ni leh a.

³⁸Tin, Miklothan Simeama a hring a. Anniho pawh chu Jerusalem-ah an unau zain an unaute depah an awm a.

³⁹Neran Kisa a hring a, Kisan Saula a hring a, Saulan Jonathana te, Malkisua te, Abinadaba te, Esbaala te a hring a.

⁴⁰Jonathana fapa chu Merib-baala a ni a, Merib-baala chuan Mika a hring a.

⁴¹Mika fapate chu Pithona te, Meleka te, Tahrea te, Ahaza te an ni.

⁴²Tin, Ahazan Jara a hring a; Jaran Alemetha te, Azmavetha te, Zimria te a hring a; tin, Zimrian Moza a hring a;

⁴³Mozan Binea a hring a, chu mi fapa chu Rephaia a ni a, chu mi fapa chu Eleasa a ni a, chu mi fapa chu Azela a ni.

⁴⁴Azela chuan fapa paruk a nei a, an hmingte chu Azrikama te, Bokerua te, Ismaela te, Searia te, Obadia te, Hanana te an ni; chûngte chu Azela fapate an ni.