Read Mizo_Old_version Nehemia 10 Bible Online

Nehemia 10 - Mizo_Old_version bible

Nehemia 10

¹Tichuan, min nemnghehpuitute chu hêng hi an ni: Hakalia fapa, ram awptu Nehemia leh Zedekia te,

²Seraia te, Azaria te, Jeremia te,

³Pasura te, Amaria te, Malkija te,

⁴Hatusa te, Sebania te, Maluka te,

⁵Harima te, Meremotha te, Obadia te,

⁶Daniela te, Ginethona te, Baruka te,

⁷Mesulama te, Abija te, Mijamina te,

⁸Maazia te, Bilgaia te, Semaia te: hêngho hi puithiam an ni.

⁹Tin, Levi-hote: Azania fapa Jesua te, Henadada fate zînga mi Binuia te, Kadmiela te;

¹⁰tin, an unau Sebania te, Hodija te, Kelita te, Pelaia te, Hanana te,

¹¹Mika te, Rehoba te, Hasabia te,

¹²Zakura te, Serebia te, Sebania te,

¹³Hodia te, Bania te, Beninua te.

¹⁴Mipui hotute: Parosa te, Pahath-moaba te, Elama te, Zatua te, Bania te;

¹⁵Bunia te, Azgada te, Bebaia te;

¹⁶Adonija te, Bigvaia te, Adina te,

¹⁷Atera te, Hezekia te, Azura te,

¹⁸Hodia te, Hasuma te, Bezaia te,

¹⁹Haripha te, Anathotha te, Nebaia te,

²⁰Magpiasa te, Mesulama te, Hezira te,

²¹Mesezabela te, Zadoka te, Jadua te,

²²Pelatia te, Hanana te, Anaia te,

²³Hosea te, Hanania te, Hasuba te,

²⁴Hallohesa te, Pilha te, Sobeka te,

²⁵Rehuma te, Hasabna te, Maaseia te,

²⁶Ahia te, Hanana te, Anana te,

²⁷Maluka te, Harima te, Baana te.

²⁸Tin, mi dang - puithiamte, Levi-hote, kawngkhâr vêngtute, hla satute, Nethin-hote leh Pathian dân zawm tuma chûng rama mite laka inthiarfihlîm zawng zawngte, an nupuite, an fapate, an fanute, chinchâng hre thei tawh chinte chuan,

²⁹an unaute, an mi liante chu an vuan tlat a, Pathian chhiahhlawh Mosia pêk Pathian dân zâwm tûra LALPA, kan Lalpa thupêk zawng zawngte leh a rorêlnate leh a thuruatte chu zâwm leh vawnga,

³⁰chu rama mite chu kan fanute neihtîr lova, kan fapate tân an fanute nei hek lova,

³¹chu rama miten Chawlhnia thil zawrh tûr bungrua emaw, ei tûr rêng rêng zawrh tûr emaw an rawn lâka Chawlhni emaw, awmni kham ni emawa leisak lova, kum sarihnaa ram dah tuia leiba zawng zawng ṭhîng lo tûrin ânchhe dawn huamin chhia an chham a.

³²Tin, kan Pathian in lama rawngbâwlna atân sekel hmun thuma ṭhena hmun khat kum tina pêk tûrin dân kan insiam bawk a.

³³Chhangdah atân te, chhangphut thilhlan fo tûr atân te, hâlral thilhlan fo tûr atân te, Chawlhni atân te, thla thar atân te, hunbi nei kût atân te, thil thianghlim atân te, Israel mite tâna inremna siamna tûra sual thawina atân leh kan Pathian in lama tih tûr zawng zawng tih nân te.

³⁴Kan pi leh pute chhûngkua ang zêla kum tina hunbi ruata dân bua ziak anga, LALPA kan Pathian maichâma hâl tûr thing hlan kan Pathian ina chhêktu tûr hriat nân puithiamho nên, Levi-ho nên, mipuite nên ṭhum kan vâwr a.

³⁵Tin, kum tina kan lova thlai thar hmasa ber leh thing chi tinrêng rah hmasa ber LALPA ina dah lût tûr te,

³⁶dâna ziak anga kan fapa leh kan ran piang hmasa berte, kan bâwng rual leh berâm rual zinga piang hmasa berte pawh, kan Pathian ina rawngbâwltu puithiamte hnêna kan Pathian ina hruai tûr te,

³⁷kan Pathian in pindana puithiamte hnêna kan chhang hmeh hmasa ber te, kan thên thilhlan te, thing chi tinrêng rah te, uain leh hriak keng tûr te, kan lova mi sâwma pakhat Levi-hote pêk tûr tein dân kan insiam bawk a, anni Levi-hote chuan kan khaw zînga thlawhhma nei khua apiangah sâwma pakhat an la ṭhîn a ni a.

³⁸Tin, Levi-hoten sâwma pakhat an lâk laiin Arona thlah puithiam chu Levi-hote hnênah an awm tûr a ni a; Levi-hote chuan sâwma pakhat an lâk ata sâwma pakhat chu kan Pathian inah, ro dah khâwmna pindanah chuan an rawn dah tûr a ni.

³⁹Israela thlahte leh Levia thlahte chuan, buh leh uain leh hriak thên thilhlan chu hmun thianghlim bungbêl leh rawngbâwltu puithiamte, kawngkhâr vêngtute, hla satute awmna pindanah chuan an dah tûr a ni a; chutiang chuan a ni, kan Pathian in chu thlahthlam lo tûra dân kan insiam ni.