Read Mizo_Old_version Nehemia 11 Bible Online

Nehemia 11 - Mizo_Old_version bible

Nehemia 11

¹Mipui hotute chu Jerusalem-ah an awm a; sâwm zînga pakhat zêl khawpui thianghlim Jerusalem-a awmtîr tûr leh, sâwm zînga pakua, khaw danga awm tûrte hriat nân a bâk mipuite pawh chuan ṭhum an vâwr a.

²Lungni taka Jerusalem-a awm tûra inpe zawng zawngte chuan mipuite fak an hlawh a.

³Hêngte hi chumi ram hotu Jerusalem-a awmte chu an ni. Amaherawhchu, Judai ram khuaahte chuan, an khuaa mahni chan tûr ṭheuhvah an awm a; chûngte chu Israel-hote, puithiamhote, Levi-hote, Nethin-ho leh Solomona chhiahhlawhte thlan an ni.

⁴Jerusalem-ah chuan Juda thlaha mi leh Benjamina thlaha mite an awm. Juda thlahte zînga mi: Pereza thlahte zînga mi, Mahalalela fapa Sephatia, chu mi fapa Amaria, chu mi fapa Zekaria, chu mi fapa Athaia, chu mi fapa Uzia leh,

⁵Silo mi fapa Zekaria, chu mi fapa Joiariba, chu mi fapa Adaia, chu mi fapa Hazaia, chu mi fapa Kol-hozea, chu mi fapa Baruka, chu mi fapa Maaseia.

⁶Pereza thlah, Jerusalem-a awm zawng zawngte chu mi huaisen zali leh sawmruk leh pariat an ni.

⁷Tin, Benjamina thlahte zînga mi chu hêngte hi an ni: Jesaia fapa Ithiela, chu mi fapa Maaseia, chu mi fapa Kolaia, chu mi fapa Pedaia, chu mi fapa Joeda, chu mi fapa Mesulama, chu mi fapa Salua.

⁸A dawt lehah chuan Gabaia te, Salaia te, an zain Benjamina thlah Jerusalem-a awmte chu mi zakua leh sawmhnih leh pariat an ni.

⁹Tin, Zikria fapa Joela chu an hotu a ni; Hasenua fapa Juda chu khaw hotu ber dawttu a ni.

¹⁰Puithiamte zînga mi: Joiariba fapa Jedaia te, Jakina te,

¹¹Pathian in hotu Ahituba fapa Meraiotha, chu mi fapa Zadoka, chu mi fapa Mesulama, chu mi fapa Hilkia, chu mi fapa Seraia te;

¹²an unau, ina rawngbâwltute zawng zawng nên zariat leh sawmhnih leh pahnih an ni a; tin, Malkija fapa Pasura, chu mi fapa Zekaria, chu mi fapa Amzia, chu mi fapa Pelalia, chu mi fapa Jerohama, chu mi fapa Adaia leh

¹³a unaute, an chhûngkaw puipate nên zahnih leh sawmli pahnih an ni a; tin, Imera fapa Mesilemotha, chu mi fapa Ahzaia, chu mi fapa Azarela, chu mi fapa Amasaia leh

¹⁴an unau mi chak huaisente nên za leh sawmhnih leh pariat an ni: an hotu chu Hagedolima fapa Zabdiela a ni a.

¹⁵Tin, Levi-hote zinga mi: Bunia fapa Hasabia, chu mi fapa Azrikama, chu mi fapa Hasuba, chu mi fapa Semaia te;

¹⁶Levi-ho puipate zînga mi Pathian in pâwn lam hna enkawltu Sabethaia leh Jozabada-te;

¹⁷Asapha fapa Zabdia, chu mi fapa Mika, chu mi fapa, ṭawngṭaia lâwm thu sawi ṭantu ber Matania te; a unaute zînga a dawttu Bakbukia te; Jeduthuna fapa Galala, chu mi fapa Samua, chu mi fapa Abda te.

¹⁸Khawpui thianghlima Levi-ho awm zawng zawng chu zahnih leh sawmriat leh pali an ni.

¹⁹Chûng lote pawh chu kawngkhâr vêngtu Akuba te, Talmona te leh an unau kulh kawngka vêngtute, za leh sawmsarih leh pahnih an ni a.

²⁰A bâk Israel-te leh puithiamte leh Levi-hote chu Judai ram khaw tinah mahni ram ṭheuhvah an awm a.

²¹Nethin-ho erawh chu Ophel-ah an awm a. Ziha leh Gispa chu Nethin-ho hotu an ni a.

²²Jerusalem khuaa Levi-hote hotu chu Asapha fa, hla satute zînga mi Mika, chu mi fapa Matania, chu mi fapa Hasabia, chu mi fapa Bania, chu mi fapa Uzia a ni a, Pathian in lam hna ngaihtuahtu a ni.

²³An chungchâng thu-ah lal thupêk a awm a, hla satute chu ni tina an tla tâwk ruat tûr thu a awm bawk si a.

²⁴Juda fapa Zera thlaha mi Mesezabela fapa Pethahia chu mipuite chungchâng thu-ah engkima lal aiawh a ni a.

²⁵Tin, an khua leh an ram thu-ah chuan, Juda thlah ṭhenkhatte chu Kiriath-arba leh a khawperah te, Dibon leh a khawperah te, Jekabzeel leh a khawperah te;

²⁶Jesua-ah leh Molada-ah leh Beth-pelet-ah te;

²⁷tin, Hazar-sual-ah te, Beer-seba leh an khawperah te;

²⁸Ziglag-ah te, Mekona leh a khawperah te;

²⁹En-rimon-ah te, Zora-ah te, Jarmuth-ah te,

³⁰Zanoa-ah te, Adulam-ah leh an khawperah te; Lakis leh a ramah te; Azeka leh a khawperah te an awm a. Chutichuan, Beer-seba aṭangin Hinom ruam thlengin awmhmun an khuar a.

³¹Tin, Benjamina thlahte chu Geba piah lama Mikmas-ah te, Aija-ah leh Bethel leh a khawperah te;

³²Anathoth-ah te, Nob-ah te, Anania-ah te;

³³Hazor-ah te, Rama-ah te, Gitaim-ah te;

³⁴Hadid-ah te, Zeboim-ah te, Neballat-ah te;

³⁵Lod-ah leh themthiamte ruam Ono-ah te an awm a.

³⁶Tin, Judai rama awm ṭhîn Levi-ho pâwl ṭhenkhat chu Benjamin ramah an tel ta a.