Read Mizo_Old_version Nehemia 12 Bible Online

Nehemia 12 - Mizo_Old_version bible

Nehemia 12

¹Sealtiela fapa Zerubabela leh Jesua hnêna kal chho puithiamte leh Levi-hote chu hêngte hi an ni: Seraia te, Jeremia te, Ezra te,

²Amaria te, Maluka te, Hatusa te,

³Sekania te, Rehuma te, Meremotha te,

⁴Idova te, Ginethoia te, Abija te,

⁵Mijamina te, Ma-adia te, Bilga te,

⁶Semaia te, Joiariba te, Jedaia te,

⁷Salua te, Amoka te, Hilkia te, Jedaia te. Hêngho hi Jesua dam laia puithiam zîng leh an unaute zînga a hotute an ni.

⁸Chûng lo pawh Levi-hote: Jesua te, Binuia te, Kadmiela te, Serebia te, Juda te, lâwm thu sawinaa hotu Matania te, amah leh a unaute chu.

⁹Bakbukia leh Unia leh an unaute pawh chu a pâwl pâwlin an inchhâwn ṭhîn a.

¹⁰Tin, Jesua chuan Joiakima a hring a, Joiakima chuan Eliasiba a hring a, Eliasiba chuan Joiada a hring a,

¹¹Joiada chuan Jonathana a hring a, Jonathana chuan Jadua a hring a.

¹²Tin, hêngho hi Joiakima dam lai chuan puithiam, an chhûngkaw puipate an ni: Seraia thlaha mi Meraia te; Jeremia thlaha mi Hanania te;

¹³Ezra thlaha mi Mesulama te; Amaria thlaha mi Jehohanana te;

¹⁴Malukia thlaha mi Jonathana te; Sebania thlaha mi Josefa te;

¹⁵Harima thlaha mi Adna te; Meraiotha thlaha mi Helkaia te;

¹⁶Idova thlaha mi Zekaria te; Ginethona thlaha mi Mesulama te;

¹⁷Abija thlaha mi Zikria te; Miniamina thlaha mi te, Moadia thlaha mi Piltaia te;

¹⁸Bilga thlaha mi Samua te; Semaia thlaha mi Jehonathana te;

¹⁹tin, Joiariba thlaha mi Matenaia te; Jedaia thlaha mi Uzia te;

²⁰Salaia thlaha mi Kalaia te, Amoka thlaha mi Ebera te;

²¹Hilkia thlaha mi Hasabia te; Jedaia thlaha mi Nethanela te.

²²Levia chite chungchângah chuan, Eliasiba te, Joiada te, Johanana te, Jadua te dam laiin chhûngkaw puipate chhinchhiah fel a ni a; chutiang bawkin puithiamte pawh Persia lal Daria lal thlengin chhinchhiah an ni a.

²³Eliasiba fapa Johanana dam lai thleng pawhin Levia fa, chhûngkaw puipate chu chanchin ziakna buah chuan an chuang a ni.

²⁴Tin, Levi-ho puipate: Hasabia te, Serebia te, Kadmiela fapa Jesua te leh an unau, Pathian mi Davida thupêk anga a pâwl pâwla inchhâwna fak leh lâwm thu sawitu tûrte nên.

²⁵Matania te, Bakbukia te, Obadia te, Mesulama te, Talmona te, Akuba te chu kawngkhâr kianga bungraw dah khâwmna in leh kawngka vêngtute an ni.

²⁶Hêngho hi Jesua, Jozadaka fapaa fapa Joiakima dam laia mi leh ram awptu Nehemia leh Ezra puithiam leh lehkhaziaktu dam laia mi an ni a.

²⁷Jerusalem kulh an hlannaah chuan dârbenthekte, perhkhuangte, ṭingṭangte nêna hla sa leh lâwm thu sawia lâwm taka a hlannaa tel tûra Jerusalem-a rawn hruai tûrin, Levi-hote chu an hmun zawng zawng ata an zawng chhuak a.

²⁸Jerusalem chhehvêl ata leh Netophath-ho khuate aṭangin hla satuho fate an kal khâwm a;

²⁹Beth-gilgal aṭang leh Geba leh Azmavet ram atate pawh hla satute chuan Jerusalem vêlah chuan khua an lo siam ta hlawm si a.

³⁰Tin, puithiamte leh Levi-hote chu an intithianghlim a; tin, mipui te, kulh te, a kawngkhârte an tithianghlim a.

³¹Chutichuan, Juda-ho mi liante chu kulh chungah chuan ka hruai chho va, lâwm thu sawia inzui duah duaha kal tûr pâwl lian tak pâwl hnih ka ruat a; pâwl khat chu Bawlhhlawh Kawngka lamah;

³²tin, anni chu Hosaia leh Juda-ho mi lian zâtve te,

³³Azaria te, Ezra te, Mesulama te,

³⁴Juda te, Benjamina te, Semaia te, Jeremia te,

³⁵tawtawrâwt keng puithiam fapa ṭhenkhat te, Asapha fapa Zakura, chu mi fapa Mikaia, chu mi fapa Matania, chu mi fapa Semaia, chu mi fapa Jonathana, chu mi fapa Zekaria te;

³⁶a unau Semaia te, Azarela te, Milalaia te, Gilalaia te, Maaia te, Nethanela te, Juda te, Pathian mi Davida tum ṭhin thilte keng Hanania te chuan an zui a; tin, lehkhaziaktu Ezran an hma a hruai a.

³⁷Tin, Tuikhur Kawngka an thlenin, kulh chhoh ṭanna an hmazâwn Davida khaw kailâwna chhovin Davida in chhakah an kal a, chhak lampanga Tui Kawngka thleng rakin.

³⁸Tin, lâwm thu sawitu pâwl dangte chu anmahni tâwk tûrin an kal a; tin, keiin mipui zâtvete nên Meipui Chhehna In sâng chhakah, kulh chungah Kulh Chhah thlengin kan zui a;

³⁹Ephraima Kawngka chungah te, Kawngka Hlui chungah te, Sangha Kawngka chungah te, Hananela In Sâng leh Hamea In Sâng chungah te, Berâm Kawngka thleng rakin; tin, Tân In Kawngkaah chuan an ding a.

⁴⁰Chutichuan, lâwm thu sawituho pâwl hnihte chu Pathian inah an ding a, kei leh rorêltu zâtvete nên;

⁴¹tin, tawtawrâwt keng puithiamho Eliakima te, Maaseia te, Miniamina te, Mikaia te, Elioenaia te, Zekaria te, Hanania te;

⁴²tin, Maaseia te, Semaia te, Eleazara te, Uzia te, Jehohanana te, Malkija te, Elama te, Ezera te pawh. Tin, hla satute chuan an hotu Jezrahia hovin ring takin an sa a.

⁴³Chumi ni chuan inthawina nasa tak mai an hlân a, an hlim hle mai a; Pathianin hlim namênlohvin a tihlim a ni; tin, hmeichhiate leh naupangte chen pawhin an hlim hle mai a; chutichuan, Jerusalem hlimna chu hla tak aṭang pawhin an hria a.

⁴⁴Tin, chumi ni chuan thawhlâwm te, thên thilhlan te, thlai thar hmasa ber te, sâwma pakhat te dah khâwmna pindantea hotu, dânin a ruat ang, puithiam leh Levi-ho chanvo khaw tin lo zir ang zêla la khâwmtu tûrte an ruat a; Juda-te chu rawngbâwltu puithiamte leh Levi-ho avâng chuan an lâwm hle mai a ni.

⁴⁵Davida leh a fapa Solomona thupêk angin, hla satute leh kawngkhâr vêngtute pawhin an Pathian rawngbâwl dân tûr leh intihthianghlimna dân chu an zâwm a.

⁴⁶Hmânlaia Davida leh Asapha dam lai chuan hla sa pâwl hotu an awm ṭhîn a, Pathian fakna leh lâwmna hlate an sa ṭhîn a ni.

⁴⁷Zerubabela dam lai leh Nehemia dam lai chuan, Israel zawng zawngin hla satute leh kawngkhâr vêngtute chu ni tina an tla tâwk tûr chanvo an siam ṭhîn a. Levi-ho chanvo a tihhransak bawk a; tin, anni Levi-hote chuan Arona fapate chanvo an tihhransak ṭhîn a.