Read Mizo_Old_version Nehemia 7 Bible Online

Nehemia 7 - Mizo_Old_version bible

Nehemia 7

¹Tin, heti hi a ni a, kulhte kan siama, kawngkhârte kan rela, kawngkhâr vêngtute, hla satute, Levi-hote ruat an nih zawh chuan,

²ka unau Hanania leh kulhbîng hotu Hanania chu Jerusalem ka awptîr a; mi rinawm tak, mi ahluana Pathian ṭih mi a ni si a.

³Jerusalem kulh kawngkhârte hi ni a tlângsân fe hma chu hawng suh u, tlaiah, vêngtute an ṭîn hmain khâr sela, kalh vek rawh se. Tin, Jerusalem-a awmte zînga mi, vêngtute ruat ula, an awmna tûr ruatah awm sela, a ṭhen erawh chuan mahni in bul vêl an vêng ṭheuh tûr a ni.

⁴Khua chu a zauvin a lian hle a; nimahsela, a mi awmte an tlêm hle mai a, inte pawh la sak loh a ni si a.

⁵Tin, ka Pathianin ka rilruah, mi ṭhate, rorêltute, mipuite ko khâwm veka, an thlahtute ang zêla chhiar tûrin mi hriattîr a. Tin, a tîr taka kal chhote thlahtute hming ziakna bu chu ka hmuchhuak a, chutah chuan hetianga ziak ka hmu a:

⁶sala hruai, Babulon lal Nebukadnezzaran a hruaite zînga sala tâng chhuak, Jerusalem leh Judai rama mahni khua ṭheuhva haw leha, chumi rama awm tate chu hêngte hi an ni:

⁷Zerubabela te, Jesua te, Nehemia te, Azaria te, Raamia te, Nahamania te, Mordekaia te, Bilsana te, Misperetha te, Bigvaia te, Nehuma te, Baana te rual hian an kal a ni. Israel-ho zînga mi vântlâng tam lam chu:

⁸Parosa thlahte sânghnih leh za leh sawmsarih leh pahnih;

⁹Sephatia thlahte zathum leh sawmsarih leh pahnih;

¹⁰Ara thlahte zaruk leh sawmnga leh pahnih;

¹¹Jesua leh Joaba thlahte zînga Pahath-moaba thlahte sânghnih leh zariat leh sawm leh pariat;

¹²Elama thlahte sângkhat leh zahnih leh sawmnga leh pali;

¹³Zatua thlahte zariat leh sawmli leh panga;

¹⁴Zakaia thlahte zasarih leh sawmruk;

¹⁵Binuia thlahte zaruk leh sawmli leh pariat;

¹⁶Bebaia thlahte zaruk leh sawmhnih leh pariat;

¹⁷Azgada thlahte sânghnih leh zathum leh sawmhnih leh pahnih;

¹⁸Adonikama thlahte zaruk leh sawmruk leh pasarih;

¹⁹Bigvaia thlahte sânghnih leh sawmruk leh pasarih;

²⁰Adina thlahte zaruk leh sawmnga leh panga;

²¹Hezekia thlaha mi Atera thlahte sawmkua leh pariat;

²²Hasuma thlahte zathum leh sawmhnih leh pariat;

²³Bezaia thlahte zathum leh sawmhnih leh pali;

²⁴Haripha thlahte za leh sâwm leh pahnih;

²⁵Gibeona thlahte sawmkua leh panga;

²⁶Bethlehem leh Netopha khuaa mi za leh sawmriat leh pariat;

²⁷Anathoth khuaa mi za leh sawmhnih leh pariat;

²⁸Beth-azmavet khuaa mi sawmli leh pahnih;

²⁹Kiriath-jearim te, Kephira te leh Beerot khuaa mite zasarih leh sawmli leh pathum;

³⁰Rama leh Geba khuaa mi zaruk leh sawmhnih leh pakhat;

³¹Mikma khuaa mi za leh sawmhnih leh pahnih;

³²Bethel leh Ai khuaa mi za leh sawmhnih leh pathum;

³³Nebo danga mi sawmnga leh pahnih;

³⁴Elam danga thlahte sângkhat leh zahnih leh sawmnga leh pali;

³⁵Harima thlahte zathum leh sawmhnih;

³⁶Jerikova thlahte zathum leh sawmli leh panga;

³⁷Loda te leh Hadida te leh Onova thlahte zasarih leh sawmhnih leh pakhat;

³⁸Senaa thlahte sângthum leh zakua leh sawmthum.

³⁹Puithiamte - Jesua chhûngte zînga mi Jedaia thlahte zakua leh sawmsarih leh pathum;

⁴⁰Imera thlahte sângkhat leh sawmnga leh pahnih;

⁴¹Pasura thlahte sângkhat leh zahnih leh sawmli leh pasarih;

⁴²Harima thlahte sângkhat leh sawm leh pasarih.

⁴³Levi-hote - Hodeva thlaha mi Jesua leh Kadmiela thlahte sawmsarih leh pali.

⁴⁴Hla satute - Asapha thlahte za leh sawmli leh pariat.

⁴⁵Kawngkhâr vêngtute - Saluma thlahte, Atera thlahte, Talmona thlahte, Akuba thlahte, Hatita thlahte, Sobaia thlahte za leh sawmthum leh pariat.

⁴⁶Nethin-ho - Ziha thlahte, Hasupha thlahte, Tabaotha thlahte,

⁴⁷Kerosa thlahte, Sia thlahte, Padona thlahte,

⁴⁸Lebana thlahte, Hagaba thlahte, Salmaia thlahte,

⁴⁹Hanana thlahte, Gidela thlahte, Gahara thlahte,

⁵⁰Reaia thlahte, Rezina thlahte, Nekoda thlahte,

⁵¹Gazama thlahte, Uza thlahte, Pasea thlahte,

⁵²Besaia thlahte, Meunima thlahte, Nephisesima thlahte,

⁵³Bakbuka thlahte, Hakupha thlahte, Harhura thlahte,

⁵⁴Bazlitha thlahte, Mehida thlahte, Harsa thlahte,

⁵⁵Barkosa thlahte, Sisera thlahte, Tema thlahte,

⁵⁶Nezia thlahte, Hatipha thlahte.

⁵⁷Solomona chhiahhlawhte thlah: Sotaia thlahte, Sopheretha thlahte, Perida thlahte;

⁵⁸Jaala thlahte, Darkona thlahte, Gidela thlahte,

⁵⁹Sephatia thlahte, Hatila thlahte, Pokereth-hazebaima thlahte, Amona thlahte.

⁶⁰Nethin mi zawng zawng leh Solomona chhiahhlawhte thlah chu zathum leh sawmkua leh pahnih an ni.

⁶¹Tin, Tel-mela te, Tel-harsa te, Kerub te, Adon te, Imer aṭangtea lo chhote chu hêngho hi an ni a; nimahsela, an pi leh pute chhûngte leh an thlah zêlte Israel mi an nih leh nih loh an chhui thei lo va:

⁶²Delaia thlahte, Tobia thlahte, Nekoda thlahte zaruk leh sawmli leh pahnih.

⁶³Tin, puithiamte zînga mi: Hobaia thlahte, Hakoza thlahte, Gilead mi Barzilaia fanu zînga mi nupuia neia, an hming pu ta nghâl Barzilaia thlahte chu:

⁶⁴chûngho chuan an thlahtute ang zêla chhiarte zîngah chuan an hming ziakna an zawng a; nimahsela, an hmu lo va; chuvângin, bawlhhlawha ngaihin an awm a, an puithiam nihna chu an bân a.

⁶⁵Tin, ram awptu chuan anni chu Urim leh Thumim inbela puithiam a din hma loh chuan thil serhte chu an ei tûr a ni lo tih a hrilh a.

⁶⁶Mipui pung khâwm zawng zawng chu sîngli leh sânghnih leh zathum leh sawmruk an ni a,

⁶⁷an chhiahhlawh hmeichhia leh mipa sângsarih leh sawmthum leh pasarih tiam lovin; tin, hla satu hmeichhia leh mipa zahnih leh sawmli leh panga an ni a.

⁶⁸An sakawr chu zasarih leh sawmthum leh paruk a ni a, sabengtung lian chi chu zahnih leh sawmli leh panga a ni a,

⁶⁹an sanghâwngsei chu zali leh sawmthum leh panga a ni a, an sabengtung chu sângruk leh zasarih leh sawmhnih a ni.

⁷⁰Tin, chhûngkaw puipa ṭhenkhatten chumi hna atân chuan thil an thawh a. Ram awptu chuan thawhlâwmah rangkachak darik sângkhat, maihûn sawmnga, puithiam silhfên zanga leh sawmthum a thawh a.

⁷¹Tin, chhûngkaw puipa ṭhenkhatten in sakna thawhlâwmah rangkachak darik sînghnih leh tangkarua bûk sânghnih leh zahnih an thawh a.

⁷²Tin, mi dang zawng zawng pêk chu rangkachak darik sînghnih leh tangkarua bûk sânghnih leh puithiam silhfên sawmruk leh pasarih a ni.

⁷³Tichuan, puithiamte, Levi-hote, kawngkhâr vêngtute, hla satute leh mi ṭhenkhatte leh, Nethin-ho leh Israel mi zawngte chu mahni khua khuaah an awm ta a. Chutichuan, thla sarihna a lo thlen chuan Israela thlahte chu an khuaahte chuan an awm a.