Read Mizo_Old_version Joba 11 Bible Online

Joba 11 - Mizo_Old_version bible

Joba 11

¹Tichuan, Zofara, Naamathi mi chuan a chhâng a, heti hian a ti a:

²Thu heti zozai hi chhân loh theih em ni ang? Mi ṭawng tamin thiam an chang ang em ni?

³I uan thu hian mi a tingawi ang em ni? Tham lo taka i ṭawng hian tu mân an tizak lo vang che maw?

⁴“Ka rin dân hi a dik a, I mit hmuhah ka thiang a ni,” i ti si a.

⁵Mahse, aw, Pathian chu han ṭawng teh se, I chungah a kâ han âng teh se;

⁶A finna thurûk a hriattîr tûr chia, Finna thuah tam tak a ni si a; Chuvângin, hre ta che, i khawlohna aia nêpin, Pathianin i chungah a tih hi.

⁷Pathian chu i zawng chhuak zo vem ni? Engkimtitheia chu i hmu kim thei em ni?

⁸Vân aia sâng a ni a, nangin eng nge i tih theih? Seol aia thûk a ni, nangin eng nge i hriat theih?

⁹An tehna chu lei aiin a sei zâwk a, Tuifinriat aiin a zau zâwk.

¹⁰A kal tlang a, a khâr a, A koh khâwm chuan tu nge dâl thei ang?

¹¹Mi lawilo chu a hre si a, Khawlohna pawh a hmu, zawng lo mah sela,

¹²Ramsabengtungno mihringa a pian hunah, Mi lawilo chuan hriatna a nei chauh vang.

¹³Nang chuan i thinlung i dah dika, A lama kut i phar chuan;

¹⁴I kuta khawlohna a awm chuan dah bo daih la, I puan inah fel lohna chêng suh sela;

¹⁵Tichuan, hmêlhem lovin i dâk chhuak ngei ang; A ni, i nghet ang a, i hlau lo vang;

¹⁶I hrehawm i theihnghilh ang a, Tui luang bo tawh angin i hre reng lo vang,

¹⁷I nun chu chhûnpachang aiin a êng ang, Thim pawh awm se, zîng ang a ni ang.

¹⁸Tin, muanawm takin i awm ang, beisei a awm vângin; A ni, i en vêl ang a, muang takin i châwl ang.

¹⁹I mu ang a, tu mân an tihlau lâwng che, A ni, tam takin an be tlawn ang che.

²⁰Mahse, mi suaksual mit chu a thlâwn ang a, Tlân chhuahna kawng rêng an nei lo vang. An nghahfâk ber pawh thih mai a ni.