Read Mizo_Old_version Joba 14 Bible Online

Joba 14 - Mizo_Old_version bible

Joba 14

¹Hmeichhe hrin mihring tawh phawt chu Rei lo tê dam, buainaa khat a ni.

²Pangpâr angin a lo chhuak a, a vuai leh a, Hlimthla angin a thlâwk bo va, a awm hlen lo.

³Chutiang mi chungah chuan i mit i mengin, Rorêlnaah i hnênah mi hruai em ni le?

⁴Tu nge thianghlim lo ata Thianghlim la chhuak thei le? Tu mahin.

⁵A nite chu ruat sa a niha, a thla zât lah chu i hnêna a awma, A pelh theih loh tûra ramri chu i ruat ahnuin,

⁶Hawi bosan langin, a chawlh theih nân, Hlawhfa anga a nî a tlingtlâk thlengin.

⁷Thing chu râwt pawh ni se, a chawr leh ang, A chawrno a tâwp lo vang tih beiseina a awm.

⁸Leia a zung lo tar mah se, A bul chu lei chinah thi mah se,

⁹Tui rimah a chawr ṭiam ṭiam ang a, Thil phun angin a lo buk chhuak ang.

¹⁰Mahse, mihring chu a thi a, a rîral a, A ni, mihring chuan a thlarau a thlah a, khaw nge a awm tâk?

¹¹Tuipui ata tui a kal bo va, Luipui a kang a, a ro châr a;

¹²Chutiangin mi an mu a, an tho leh lo. Vân awm loh hma loh chuan an ṭhangharh lo vang, An muhîl kaihthawh an ni hek lo vang.

¹³Seol-ah chuan mi thukru teh la, I thinur reh hma chu mi thukru teh la, Hun bîk mi ruatsakin mi hre reng teh la aw!

¹⁴Mi a thih chuan a nung leh ang em ni? Ka hun ruat chhûng hi chuan ka nghâk ang, Ka chhuahna a thlen thlengin.

¹⁵Mi ko vang a, keiin ka chhâng ang che; I kut hnathawh i ngaina a ni.

¹⁶Mahse, nangin ka pênte i chhiar a, Ka sual i enthla lo vem ni?

¹⁷Ipah ka bawhchhiatna chilh a ni a, Ka khawlohna i ṭhui khâwm a.

¹⁸Tlâng chim meuh pawh chu a rîral a, Lungpui pawh a hmun ata sawn a ni a;

¹⁹Tui chuan lungte a hrût hêk a, Tui lian chuan lei vaivut a lên bo va; Chutiangin mihring beisei chu i tibo va.

²⁰Ani chu i hneh kumkhua a, a ral ta a, A hmêl i tidanglam a, i tîr bo va.

²¹A fapaten an rawn chawimawi a, a hre lo va; Tihtlâwmin an awm a, a hre hek lo.

²²A taksa nâ chu a hre chauh va, A thlarauvin amah a sûn a.