Read Mizo_Old_version Joba 17 Bible Online

Joba 17 - Mizo_Old_version bible

Joba 17

¹Ka thlarau a rawih ta, ka nite a ral ta, Ka chanpual chu thlân a ni ta.

²Nuihsantute ka hnênah an awm zawng a nih hi, An thu thin tiurah chuan ka mit a fu a.

³I hnênah ka tân thutiam siam teh, Tu nge ka tân zakhamna ni ang?

⁴Hriat thiamna lakah an thinlung i thup a; Chuvângin, anni zawng i chawisâng lo vang.

⁵Hlâwkna atâna a ṭhian thlauthlatua chu, A fate mit pawh a chuai ang.

⁶Mite zînga kamram mai atân mi siam a, Tenawm langsâr tak ka lo ni ta.

⁷Lungngaih vângin ka mit pawh a thim a, Ka bung zawng zawng hi hlimthla ang a lo ni ta.

⁸Mi ngîl takte chuan hei hi mak an ti ang, Mi pawi khawih lo chu pathian nei lote chungah a thinur ang.

⁹Mi fel chuan a kawng ngai a chelh tlat a, Kut fai nei chu a chak deuh deuh vang.

¹⁰In zain lo kîr ula, lo kal teh u, In zîngah mi fing ka hmu chuang lo vang.

¹¹Ka nite a liam ta, ka thil tumate a thlâwn zo ta, Ka thinlung ngaihtuah ṭhinte ngei chu.

¹²Zân chu chhûnah a chantîr a; Êng chuan thim a hnaih e, an ti a.

¹³Seol chu ka in anga ka ena, Thim hnuaiah ka khum ka dawha,

¹⁴Chhiatna hnênah, “Ka pa i ni,” ka tiha, Changpât hnênah, “Ka nu leh ka farnu in ni,” ka tih chuan,

¹⁵Ka beisei chu khawiah nge? Ka beisei chu tu nge hmu ang?

¹⁶Seol kawngkaah a chhuk ang a, Vaivutah kan chhuk dûn ang.