Read Mizo_Old_version Joba 19 Bible Online

Joba 19 - Mizo_Old_version bible

Joba 19

¹Tin, Joba chuan a chhâng a, heti hian a ti a:

²Eng chen nge mi tihhrehawm ang a, Thutea mi vuak vual dâwn?

³Vawi sâwm lai mi dem chhe ta a. Ṭha lo taka ka chunga tih hi in zak hek lo.

⁴Dik lo pawh lo ni ta ila, Ka dik lohna chu keimahah ka pai ang.

⁵Ka chunga intilian in niha, Ka chhiatna hi mi hnialfunga hmang in nih chuan,

⁶Hre ta che u, Pathianin mi paih thla a, A lênin mi tuam a nih hi.

⁷Ngai teh u, “Pâwngnêkna!” tiin ka au chhuak a; Mahse, chhân ka ni lo va; Ṭanpui dîlin ka au va; mahse, rêl dikna a awm lo.

⁸Ka kawng dai a theu hnan a, ka pêl thei lo, Ka kawngte chu thimin a khuh a ni.

⁹Ka ropuina mi hlihsak a, Ka lûa lallukhum chu a la a.

¹⁰Kawng tinah mi tichhia a, ka ral a ni ta; Ka beiseina chu thing angin a pawt phawng a.

¹¹A thinurna ka chungah a mût kai a, A hmêlma angah mi chhiar a.

¹²A sipai rual an kal khâwm a, Ka lamah kawng an thlâk a, Ka puan in vêlah bûk an khuar a.

¹³Ka unaute ka lakah a tihla a, Ka hmêlhriatte ka lakah an mi hrang zo va.

¹⁴Ka laichînten mi chu-kha ta lo va, Ka ṭhian bulten mi theihnghilh zo va,

¹⁵Ka ina chêngte leh ka in awm nulaten Mikhualah mi chhiar a, An mit hmuhah hmel hriat loh ka ni ta.

¹⁶Ka chhiahhlawh ka ko va, mi chhâng lo va. Kam thlumin ka ngên tûr a lo ni ta.

¹⁷Ka nupui tân ka rim a chhia a, Ka chhûl khat kualpui tân ka tenawm a.

¹⁸Naupangte lamin mi hmusit a, Ka han tho hi mi êu va.

¹⁹Ka ṭhian ṭha zawng zawngten mi ten a, Ka hmangaih ṭhinte chu ka lakah an ner ta.

²⁰Ka vun leh ka tisa hi ka ruhah a bet a, Ka hahni chu ka la chang hrâm a.

²¹Aw, nangni ka ṭhiante u, Mi khawngaih rawh u, mi khawngaih rawh u, Pathian kutin mi khawih a nih hi.

²²Engah nge Pathian ang ziazânga mi tihduhdaha, Ka tisa tuarna hi tâwk in la tih loh ni?

²³Aw, ka thute chu ziak ni teh sela! Lehkhabuahte chuang teh sela aw!

²⁴Ziakna thîr leh suanin, Lungpuiah kumkhua atân ziak ni teh sela aw!

²⁵Ka Tlantu chu a nung tih ka hre si a, Nakinah chuan leiah hian a lo la ding ang.

²⁶Ka vun hi tihchhiata a awm hnuin, Ka tisain Pathian ka la hmu ang.

²⁷Keima tân ngei ka la hmu ang a, Ka mitin a la thlîr ang, mi dang ni lovin. Ka chhûngah ka rilru a chau ta!

²⁸“Engtin nge amah chu kan tihduhdah ang, Thil bulte amahah hmu siin?” in tih chuan,

²⁹Khandaih chu hlau rawh u, Thinurna chuan khandaih hremna a thlen si a, Rorêlna a awm tih in hriat theih nân.