Read Mizo_Old_version Joba 8 Bible Online

Joba 8 - Mizo_Old_version bible

Joba 8

¹Tichuan, Bildada, Suhi mi chuan a chhâng a, heti hian a ti a:

²Eng chen nge hêng thil hi i sawi dâwn a, I kamchhuak chu thlipui ang a nih reng dâwn?

³Pathianin rorêlna a kailek ngai em ni? Engkimtitheian a dik chu a kailek ngai em ni?

⁴I fate a chungah an sual a nih chuan An sual avângin a hrem ṭhîn a.

⁵Pathian i zawn ngat ngata, Engkimtitheia hnêna i dîl ngat ngat chuan,

⁶Thianghlim leh ngîl i nih chuan I tân bengvâr a thawh ngei ang a, Dinhmun dik a pe ang che.

⁷I bul lamah tê mah la, I tâwp lamah i lian ang.

⁸Hmânlai hun kha zâwt chhuak teh aw, An pi pute hmuhchhuah kha ngaihtuah teh,

⁹Nimina mi lek kan ni, eng kan hre si lo. Leia kan awm chhûng hi hlimthla chauh a nih hi.

¹⁰Chûng chuan an zirtîrin an hrilh chein, An hriatna ṭhate chu an sawi chhuak dâwn lâwm ni?

¹¹Dûm lovah pumphîr a ṭo thei em ni? Tui lovah phairuang a ṭha thei em ni?

¹²A la duah lai reng pawhin sah thlûk lohvin, Thlai dangte aiin a uai hma ṭhîn.

¹³Pathian theihnghilhtu kawng chu chutiang a ni, Pathian ngaihsak lo mi beiseina chu a bo vang.

¹⁴A innghahna chu a chim darh ang a, A rinchhan chu maimaw rîl mai a ni.

¹⁵A in a nghêng a; mahse, a dâwl lo. A vuan tlat a; mahse, a tuar lo vang.

¹⁶Ni chhuah hma chuan a hring a, A chawrte chuan a huan a hliap a,

¹⁷Sih tui sîrah a zung a thlâk a, Lung hmun a hmu a.

¹⁸A hmun ata tihbo a nihin, Ka hmu ngai lo che, tiin a phat ang.

¹⁹Ngai teh, hei hi a kawnga hlimna chu a ni mai, Lei aṭang chuan a dangte an lo ṭo chhuak ang.

²⁰Ngai teh, Pathianin mi ṭha a paih bo lo vang a, Thil sual titu a tungding hek lo vang.

²¹I kâ nuihnain a tikhat ang a, I hmui pawh hlim au thâwmin.

²²A hawtu che chu zahnaa tuam an ni ang a, Mi suaksual puan in pawh a awm tawh lâwng.