Read Mizo_Old_version Sam 1 Bible Online

Sam 1 - Mizo_Old_version bible

Sam 1

¹Mi suaksualte remruat anga awm ngai lova, Mi sualte kawng pawha ding ngai lova, Hmusittute ṭhutphah pawha ṭhu ngai lo mi chu, a eng a thâwl e.

²A lâwmna chu LALPA dânah a ni zâwk a; A dân thu chu a chhûn a zânin a ngaihtuah ṭhîn.

³Ani chu tui luang kianga thing phun, A hun têa rah ṭhîn, A hnah pawh uai ngai lo ang hi a ni a; A thiltih apiang chu a hmuingîl zêl ang.

⁴Mi suaksualte erawh chu chutiang an ni lo va; Buhsî thliin a len bo ang hi an ni zâwk.

⁵Chuvângin, mi suaksualte chu rorêlna hmaah chuan an ding thei lo vang a, Mi sualte pawh mi felte inkhâwmnaah chuan an ding thei hek lo vang.

⁶ LALPA chuan mi felte kawng chu a hre si ṭhîn a; Mi suaksualte kawng erawh chu a boral ang.