Read Mizo_Old_version Sam 101 Bible Online

Sam 101 - Mizo_Old_version bible

Sam 101

¹Ngilneihna leh rorêlna thu chu hlaah ka sa ang a; Aw LALPA, nangmah fakin ka zai ang.

²Kawng ṭha famkimah chuan fing takin ka awm ang a: Aw, eng tikah nge ka hnênah i lo kal ang? Ka in chhûngah thinlung ṭha famkim puin ka awm ang.

³Thil ṭha lo rêng rêng ka mit hmuhah chuan ka dah lo vang; Kal pêngte thiltih chu ka hua a ni; Keimahah a bet lo vang.

⁴Thinlung luhlul chuan mi kalsan ang a; Thil sual rêng rêng ka hre lo vang.

⁵Tu pawh a vêngte a rûka rêl apiang chu, chu mi chu ka tiboral ang a; Mit sâng leh thinlung chapo pu mi chu ka ngaithei lo vang.

⁶He rama mi rinawmte chungah hian ka mit a fu ang, ka hnêna an awm theih nân; Kawng ṭha famkim zawhtu chu, chu mi chuan ka rawng a bâwl ang.

⁷Bum hmang mi chu ka in chhûngah a awm lo vang a; Dâwt heh mi chu ka mit hmuhah tihnghehin a awm lo vang.

⁸Tûk tin he rama mi suaksual zawng zawng hi ka tiboral ang; LALPA khawpui ata hi thil tisualtute zawng zawng tiboral tûrin.