Read Mizo_Old_version Sam 11 Bible Online

Sam 11 - Mizo_Old_version bible

Sam 11

¹ LALPA-ah chuan ka rinna ka nghat ṭhîn. Engtizia nge ka nunna hnênah hian, “In tlângah chuan sava angin thlâwk bo rawh u.

²En teh u, thinlung dik tak pu thim hnuaia an kah theihna tûrin, Mi suaksualte chuan thalngul an kuai a, An thal chu a hruiah an vuah diam saw.

³Lungphûmte chu tihchhiata a awm chuan, Mi felin eng nge a tih theih ang?” in tih ni?

⁴ LALPA chu a biak in thianghlimah a awm a, LALPA chu, a lalṭhutphah zawng vânah a awm; Mihring fate hi a mitin a en a, an thiltihte a fiah ṭhîn.

⁵ LALPA chuan mi fel chu a fiah ṭhîn a; Mi suaksual leh nunrâwnna ngaina erawh chu a nunnain a haw ṭhîn.

⁶Mi suaksualte chungah chuan thangte a sûrtîr ang a; Mei leh kât leh thli lum tak hi an no chan tûr a ni ang.

⁷ LALPA chu a fel si a, felna hi a ngaina ṭhîn a; Mi dik takte chuan a hmêl an la hmu ang.