Read Mizo_Old_version Sam 110 Bible Online

Sam 110 - Mizo_Old_version bible

Sam 110

¹ LALPA thuchhuak chuan ka lalpa hnênah, “I hmêlmate i ke nghahchhana ka siam hma loh zawng, Ka ding lamah ṭhu rawh,” a ti a.

² LALPA chuan i chakna tiang chu Zion tlâng aṭangin a tîr chhuak ang; nangin nangmah dotute zîngah ro rêl rawh.

³I mite chu i thiltihtheihna niah chuan mahni duh thuin an inpe ṭhîn; Thianghlim mawinaah, zîng pum chhûng aṭangin, I tleirâwl daifîm chu i nei a.

⁴ LALPAN chhia a chham a, a inlamlêt tawh lo vang, “Nang zawng Melkisedeka awm dân anga chatuana puithiam i ni e,” tiin.

⁵ LALPA - i ding lama awm chuan a thinur niah chuan lalte a sât chhum rem rum ang.

⁶Hnam tin zîngah ro a rêl ang a, Hmunte chu ruangin a tikhat ang a, Ram tam takah chuan lu chu a sât phel rem rum ang.

⁷Kawnglaka luitêa mi a in ang a; Chu vâng chuan a lu chu a chawi sâng ang.