Read Mizo_Old_version Sam 111 Bible Online

Sam 111 - Mizo_Old_version bible

Sam 111

¹ LALPA chu fak rawh u. Mi dik takte inrâwn khâwmnaah leh inkhâwmnaah chuan Ka thinlung zawng zawngin LALPA hnênah lâwm thu ka hrilh ang.

² LALPA thiltihte chu a ropui a, A chunga lâwm apiangten zawn chhuah a ni ṭhîn.

³A hnathawh chu a zahawmin a ropui a, A felna chu kumkhuaa awm tûr a ni.

⁴Ani chuan a thil mak tihte chu a hriat rengtîr a; LALPA chu mi khawngaih thei tak, lainatnaa khat a ni.

⁵Amah ṭihtute chu ei tûr a pe a; A thuthlun chu kumkhuain a hre reng ang.

⁶A thiltihte chakzia chu a mite hnênah a lantîr a, Hnam tin ro chan chu anmahni pein.

⁷A kut thiltihte chu thutak leh rorêlna fel a ni a; A thununna thu zawng zawng chu a rinawm a ni.

⁸Chûng chu kumkhaw tlaitluan atân tihnghehin a awm a, Thutak leh dik taka tih a ni hlawm.

⁹Ani chuan a mite hnênah tlanna a rawn tîr a; A thuthlun chu kumkhua atân a ruat a: A hming chu a thianghlimin a zahawm a ni.

¹⁰ LALPA ṭih chu finna bul a ni a; Chutianga ti apiangte chuan hriat thiamna ṭha an nei. Amah fakna chu kumkhuaa awm tûr a ni.