Read Mizo_Old_version Sam 112 Bible Online

Sam 112 - Mizo_Old_version bible

Sam 112

¹ LALPA chu fak rawh u. LALPA ṭih mi chu a eng a thâwl e, A thupêkahte nasa taka lâwm mi chu.

²A thlahte chu leiah hian chak takin an awm ang a; Mi dik takte chhuan chu malsâwmin an awm ang.

³A inah chuan sum leh hausakna a awm a; A felna chu kumkhuaa awm tûr a ni.

⁴Mi dik tân chuan thimah chuan êng a lo chhuak ṭhin a; Ani chu mi khawngaih thei tak, lainatnaa khat, fel tak a ni.

⁵Mi khawngaiha pûktîr ṭhîn mi chu ṭhatin a vûr ṭhîn a; Ani chu fel takin a khawsa ang.

⁶Eng tikah mah a nghîng dâwn si lo va; Mi fel chu kumkhuaa hriat rengin a awm ang.

⁷Chanchin ṭha lo takte a hlau lo vang; LALPA ringin a thinlung chu a nghet a ni.

⁸A thinlung chu a nghet a, a hlau lo vang, Amah dotute chunga a duhthusâm thleng chu a hmuh hma loh zawng.

⁹A sem darh a, pachhiate a pe a; A felna chu kumkhuaa awm tûr a ni; A ki chu ropui taka chawimawiin a awm ang.

¹⁰Mi suaksual chuan chu chu a hmu ang a, a thinur ang a; A ha a ṭhial ang a, a tui ral ang; Mi suaksualte duh zâwng chu a boral ang.