Read Mizo_Old_version Sam 113 Bible Online

Sam 113 - Mizo_Old_version bible

Sam 113

¹ LALPA chu fak rawh u. Aw LALPA chhiahhlawhte u, fak ula, LALPA hming chu fak rawh u.

² LALPA hming chu fakin awm rawh se, Tûn aṭanga kumkhuain.

³Ni chhuahna aṭanga a tlâkna thlengin LALPA hming chu fak tûr a ni.

⁴ LALPA chu hnam tinrêngte chungah chuan chungnung daih a ni a, A ropuina chuan vânte khi a khûm daih a ni.

⁵ LALPA kan Pathian, Chung lama ṭhutphah neia, Vâna thil awmte leh leia thil awmte en tûra Intihnuai ṭhîna ang hi tu nge awm?

⁷Ani chuan rethei chu vaivut ata a kaitho ṭhîn a, Pachhia chu êkdûr ata a chawi kâng ṭhîn;

⁸Mi liante hnêna a awmtîr theihna tûrin, A mite zînga mi liante hnên ngeiah chuan.

⁹Ani chuan hmeichhe ching chu in lo a vawntîr a, Fanau nei nu hlim takah a siam ṭhîn. LALPA chu fak rawh u.