Read Mizo_Old_version Sam 114 Bible Online

Sam 114 - Mizo_Old_version bible

Sam 114

¹Israel-ho chu Aigupta ram ata an chhuaha, Jakoba chhûngte ngei chu awze mi zîng ata an chhuah lai khân,

²Juda-ho chu a hmun thianghlim an lo ni ta a, Israel-ho chu a rorêlna ram an lo ni ta bawk a.

³Tuifinriat chuan chu chu a hmu a, a tlân bo va; Jordan lui chu tihkîrin a awm ta a.

⁴Tlâng liante chu berâmchalte angin an tualchai a, Tlâng tête chu berâmpatuai angin.

⁵Aw nang tuifinriat, eng i ti nge ni i tlân bo tâk ni? Nang Jordan, eng i ti nge ni i kîr leh tâk ni?

⁶Nangni tlâng liante u, eng in ti nge ni berâmchalte anga in tualchai tâk ni? Nangni tlâng tête u, eng in ti nge ni berâmpatuai anga in tualchai tâk ni?

⁷Nang leilung, LALPA hmaah khûr rawh, Jakob-ho Pathian hmaah chuan;

⁸Ani chuan lungpui chu dîlah a chantîr a, Meilung chu tuihnaah a chantîr bawk a.