Read Mizo_Old_version Sam 122 Bible Online

Sam 122 - Mizo_Old_version bible

Sam 122

¹“LALPA inah i kal ang u,” Ka hnêna an tih lai khân ka lâwm a.

²Aw Jerusalem, i kulh kawngkhâr chhûngah kan kete chu a din tâk hi;

³Jerusalem, khawpui din thar, Rinawm taka rem chu:

⁴ LALPA hming fak tûrin chutah chuan hnamte chu an chho ṭhîn, LALPA hnamte chu, Israel-ho hnêna thupêk ang khân.

⁵Chutah chuan rorêl nân lalṭhutphahte hûn a ni si a, Davida chhûngte lalṭhutphahte chu.

⁶Jerusalem thlamuanna tûr dîlsak rawh u: Nang ngainatute chu an thawveng ang.

⁷I kulh chhûngahte chuan thlamuanna awm sela, I lal inahte chuan thawvenna awm rawh se.

⁸Ka unaute leh ka ṭhiante avângin “I chhûngah thlamuanna awm rawh se,” ka ti ang.

⁹ LALPA kan Pathian in avâng chuan i ṭhatna tûr ka zawng ang.