Read Mizo_Old_version Sam 124 Bible Online

Sam 124 - Mizo_Old_version bible

Sam 124

¹“Kan lama ṭang chu LALPA ni suh sela chuan,” Israel-hovin ti rawh se;

²“Miten min beih lai khân Kan lama ṭang chu LALPA ni suh sela chuan,

³Khami lai ngei khân anni chuan kan nung chungin min lem tawh ang, Kan chunga an thin a thawh lai khân;

⁴Khami lai ngei khân tuite chuan min chîm pil tawh ang a, Lui chuan kan nunna hi a vûr pil tawh ang;

⁵Khami lai ngei khân tui lian chuan kan nunna hi a vûr pil tawh ang.

⁶Sa anga seh tûra an hnêna min pe lotu LALPA chu fakin awm rawh se.

⁷Thang kamtute thang ata sava a chhuak angin kan nunna hi a chhuak ta; Thang chu a chhe ta a, keini hi kan chhuak ta hlauh a ni.

⁸Min ṭanpuina tûr chu LALPA, lei leh vân siamtu hmingah a awm,” tiin.