Read Mizo_Old_version Sam 128 Bible Online

Sam 128 - Mizo_Old_version bible

Sam 128

¹ LALPA ṭih apiang chu an eng a thâwl e, A kawng zawhtute chu.

²I kut thawh rim rah chu i ei dâwn si a; Lâwm takin i awm ang a, thawvengin i awm bawk ang.

³I nupui chu i in chhûngrilah chuan, grêp hrui rah duh mi tak angin a awm ang a; I fate chu, i dawhkân vêlah chuan olive ṭiakte angin an awm ang.

⁴Ngai teh, LALPA ṭih mi chu chutiang chuan malsâwmin an awm ang.

⁵ LALPA chuan Zion aṭangin mal a sâwm ang che; Tichuan, i dam chhûng zawngin Jerusalem ṭhatna i hmu ang.

⁶A ni, i tute chu i la hmu ang. Israel-ho chungah chuan thlamuanna awm rawh se.