Read Mizo_Old_version Sam 129 Bible Online

Sam 129 - Mizo_Old_version bible

Sam 129

¹“Ka naupan têt ata miten vawi tam tak mi timangang a,” Israel-hovin ti rawh se;

²“Ka naupan têt ata miten vawi tam tak mi timangang a; Nimahsela, mi hneh si lo.

³Leilettuten ka hnungzângah hian lei an let a; An leileh rîn khawh thlûrte chu an tisei hle a.

⁴ LALPA chu a fel a ni; Mi suaksualte hruihrual chu a zai chat ta a,” tiin.

⁵Anni chu mualpho leh tlânchhiattîrin awm rawh se, Zion hawtu zawng zawngte chu.

⁶In chunga hlobet, a ṭhan sân hmaa Vuai mai ṭhîn angin awm rawh se.

⁷Tu mân chu chu an ât khâwm lo va, Tu mân seng tûrin an têl hek lo.

⁸“LALPA malsâwmna in chungah awm rawh se; LALPA hmingin mal kan sâwm che u hi,” A kal pêltuten an ti ngai hek lo.