Read Mizo_Old_version Sam 13 Bible Online

Sam 13 - Mizo_Old_version bible

Sam 13

¹Aw LALPA, eng chen nge mi theihnghilh dâwn? Kumkhuain em ni? Eng chen nge ka lakah hian i hmai i thup dâwn le?

²Nilêngin ka thinlunga lungngaihna neiin, Eng chen nge ka rilruin rem ka ruat ka ruat dâwn? Eng chen nge ka hmêlma chu ka chungah chawimawia a awm dâwn?

³Aw LALPA ka Pathian, ngaihtuah la, mi chhâng teh khai; Ka mit mi tihvârsak ang che; chuti lo chuan, thihna muthilhin ka muhîl dah ang e;

⁴Ka hmêlma chuan, “Amah ka ngam ta,” a ti dah ang e; Ka nghînin mi dotute an lâwm dah ang e.

⁵Nimahsela, kei zawngin i ngilneihna hi ka ring a; I mi chhandamnaah hian ka thinlung a lâwm ang;

⁶Ka chungah ṭha taka a tih tâk avângin, LALPA chawimawiin hla ka sa ang.