Read Mizo_Old_version Sam 130 Bible Online

Sam 130 - Mizo_Old_version bible

Sam 130

¹Aw LALPA, tui thûk tak aṭang hian ka au a che. LALPA, ka aw hi ngaithla ang che:

²Khawngaih ka dîlna aw hi i bengin ngaithla rawh se.

³ LALPA, nangin khawlohnate i chhinchhiah chuan, Aw LALPA, tu nge ding ang le?

⁴Nimahsela, i hnênah ngaihdamna a awm a ni, Ṭiha i awm theih nân.

⁵ LALPA chu ka nghâk reng a, ka nunna hian a nghâk reng a, A thu pawh ka beisei a ni.

⁶Vêngtuten khawvâr an thlîr aia nasain, A ni, vêngtuten khawvâr an thlîr aia nasa mahin, Ka nunna hian LALPA chu a thlîr reng ṭhîn a ni.

⁷Aw Israel-hote u, LALPA chu beisei rawh u; LALPA hnênah chuan ngilneihna a awm si a, A hnênah tlanna tam tak a awm bawk a.

⁸Tichuan, ani chuan Israel-ho chu An khawlohna zawng zawng ata a chhanchhuak ang.