Read Mizo_Old_version Sam 136 Bible Online

Sam 136 - Mizo_Old_version bible

Sam 136

¹Aw, LALPA hnênah lâwm thu hril rawh u; ani chu a ṭha si a: A ngilneihna pawh kumkhuain a awm dâwn si a.

²Aw, pathiante Pathian hnênah chuan lâwm thu hril rawh u: A ngilneihna chu kumkhuain a awm dâwn si a.

³Aw, lalpate LALPA hnênah lâwm thu hril rawh u: A ngilneihna chu kumkhuain a awm dâwn si a.

⁴Amah chauhva thil mak ropui tak ti ṭhîntu hnênah chuan: A ngilneihna chu kumkhuain a awm dâwn si a.

⁵Finnaa vân siamtu hnênah chuan: A ngilneihna chu kumkhuain a awm dâwn si a.

⁶Lei hi tui chunga dah duaitu hnênah chuan: A ngilneihna chu kumkhuain a awm dâwn si a.

⁷Êntu ropui tak: A ngilneihna chu kumkhuain a awm dâwn si a.

⁸Ni, chhûna rorêltu atân: A ngilneihna chu kumkhuain a awm dâwn si a.

⁹Thla leh arsite, zâna rorêltu atâna siamtu hnênah chuan: A ngilneihna chu kumkhuain a awm dâwn si a.

¹⁰Kut chak leh bân pharin: A ngilneihna chu kumkhuain a awm dâwn si a.

¹¹Aigupta-ho fa tîrte tihhlumsaka: A ngilneihna chu kumkhuain a awm dâwn si a.

¹²Israel-ho an zîng ata hruai chhuaktu hnênah chuan: A ngilneihna chu kumkhuain a awm dâwn si a.

¹³Tuifinriat Sen tiṭhen phawka, A ngilneihna chu kumkhuain a awm dâwn si a.

¹⁴Israel-ho a lai taka kaitîra; A ngilneihna chu kumkhuain a awm dâwn si a.

¹⁵Pharaoa leh a sipaiho erawh Tuifinriat Sena tiboraltu hnênah chuan: A ngilneihna chu kumkhuain a awm dâwn si a.

¹⁶A mite thlalêra hruaitu hnênah chuan: A ngilneihna chu kumkhuain a awm dâwn si a.

¹⁷Lal ropui tak takte tihluma: A ngilneihna chu kumkhuain a awm dâwn si a.

¹⁸Lal hmingthang tak tak: A ngilneihna chu kumkhuain a awm dâwn si a.

¹⁹Sihona, Amor-ho lal leh: A ngilneihna chu kumkhuain a awm dâwn si a.

²⁰Oga, Basan ram lalte thata: A ngilneihna chu kumkhuain a awm dâwn si a.

²¹An ram ro chana: A ngilneihna chu kumkhuain a awm dâwn si a.

²²A chhiahhlawh Israela ro chana petu hnênah chuan: A ngilneihna chu kumkhuain a awm dâwn si a.

²³Ani chuan kan hnam tlâwm lai khân min hre reng a: A ngilneihna chu kumkhuain a awm dâwn si a.

²⁴Min dotute lakah min chhanhim a: A ngilneihna chu kumkhuain a awm dâwn si a.

²⁵Ani chuan tisa zawng zawng hnênah ei tûr a pe ṭhîn: A ngilneihna chu kumkhuain a awm dâwn si a.

²⁶Aw, vân Pathian hnênah chuan lâwm thu hril rawh u: A ngilneihna chu kumkhuain a awm dâwn si a.