Read Mizo_Old_version Sam 137 Bible Online

Sam 137 - Mizo_Old_version bible

Sam 137

¹Babulon lui kamahte, Chutah kan ṭhu a, a ni, kan ṭap ṭhîn, Zion kan ngaihtuahin.

²Lui laia tuipuisuthlahahte chuan kan ṭingṭangte kan bâng ṭhîn a.

³“Zion hla pakhat min saksak rawh u,” tiin, Chutah chuan sala min hruaituten hla saah min ngên a, Min tiretheituten hlimah min ngên bawk si ṭhîn.

⁴Mi ramahte chuan LALPA hla engtin nge kan sak theih ang?

⁵Aw Jerusalem, ka theihnghilh che chuan, Ka kut ding lam hian a thil thiam hi theihnghilh ve rawh se.

⁶Ka hriat reng loh che chuan, Ka lei hi ka dangah bet tlat rawh se; Ka hlimna ber aia Jerusalem ka duh zâwk loh chuan.

⁷Aw LALPA, Jerusalem ni chu Edoma thlahte chungah a chhe lamin hre reng ang che; “A lungphûm lam pawhin tichim rawh u, tichim rawh u,” titute kha.

⁸Aw Babulon fanu, tihborala awm tûr, Kan chunga i tih anga thungrûl tûr che chu lâwm takin a awm ang.

⁹I fanau tê tête chhuhsaka, lungpui vuak nâna hmangtu tûr chu Lâwm takin a awm ang.