Read Mizo_Old_version Sam 140 Bible Online

Sam 140 - Mizo_Old_version bible

Sam 140

¹Aw LALPA, mi sual lakah chuan mi chhanhim la; Mi nunrâwng lakah chuan mi humhim ang che:

²Anni chuan an thinlungah thil sualte an ngaihtuah ṭhîn a; Do tûrin an inkhâwm fo ṭhîn.

³An lei chu rûl angin an tihriam a; An heh chhûngah chuan rûlrial tûr a awm a. (Selah)

⁴Aw LALPA, mi suaksual kut lakah chuan mi vawng ṭha la; Mi nunrâwng lakah chuan mi humhim ang che: Anni chuan ka ke pênte hi nam kawi an tum a.

⁵Mi chapote chuan ka awh nân thang an kam ru a, hruihrualte nên; Kawng sîrah chuan lên an phah a; Ka awh nân thangte an kam a. (Selah)

⁶ LALPA hnênah chuan, “Nang chu ka Pathian i ni a: Aw LALPA, khawngaih ka dîlna awte hi lo bengkhawn ang che.

⁷Aw, PATHIAN, Lalpa, mi chhandamna tichaktu, Nang chuan inbeih niah chuan ka lu mi khuhsak a.

⁸Aw LALPA, mi suaksual duh zâwngte chu phal suh la; An ngaihtuahna sual chu puitlintîr suh ang che; chuti lo chuan, an inchawimawi dah ang e,” ka ti a. (Selah)

⁹Mi hual vêltute lu chu, Anmahni hmuia an thu sual sawi chuan khuh rawh se.

¹⁰Meilingte an chungah tla sela: Meia paihin awm sela; An thawh leh tawh lohna tûrin khuarkhurum thûk takahte paihin awm rawh se.

¹¹Thu ṭha lo sawitu chu leiah hian tihnghehin a awm lo vang a; Mi nunrâwng tichhe tûrin thil ṭha lovin a pêl ang.

¹² LALPA chuan hrehawm tuarte chu an thu-ah a ṭan ang tih ka hria, Pachhiate chu an tâna âwm rêngah nên.

¹³Matheilovin mi felte chuan i hming an fak ang a; Mi dikte chu i hmaah an awm ang.