Read Mizo_Old_version Sam 142 Bible Online

Sam 142 - Mizo_Old_version bible

Sam 142

¹Ka awin LALPA chu ka au va; Ka awin LALPA hnênah khawngaihna ka dîl ṭhîn.

²A hmaah ka mangan thu ka sawi a; A hmaah ka buaina ka hriattîr ṭhîn.

³Ka thlarau ka chhûngah a chauh lai khân, nangmah ngeiin ka kawng chu i hria a. Ka kalna kawngah hian ka awh nân thang an kam ru a.

⁴Ka ding lam hi thlêk la, en teh, tu mah mi hria rêng rêng an awm tâk loh hi; Ka inhumhimna a awm ta lo va; Tu mah rêng rêngin ka nunna hi an ngaihsak ta lo.

⁵Aw LALPA, ka au chia; “Nang chu ka inhumhimna, Mi nung rama ka chanvo i ni,” ka ti a.

⁶Ka au thâwm hi ngaithla ang che, nasa taka tihhniamin ka awm ta si a; Mi tiduhdahtute lakah hian mi chhanhim ang che, kei aiin an chak zâwk si a.

⁷I hming ka fak theih nân, ka nunna hi tân in aṭangin hruai chhuak ang che; Mi felte chuan mi hual vêl ang, Nangin ṭha taka mi tih dâwn avângin.