Read Mizo_Old_version Sam 149 Bible Online

Sam 149 - Mizo_Old_version bible

Sam 149

¹Lalpa chu fak rawh u. LALPA chawimawiin hla thar sa ula, Mi thianghlimte inkhâwmnaah chuan a fakna hla sa rawh u.

²Israel-ho chu an siamtu chungah chuan lâwm sela; Zion fate chu an Lalber chungah chuan hlim rawh se.

³A hming chu lâmin fak sela; Khuangtê leh ṭingṭang nên amah fakin zai rawh se.

⁴ LALPA chu a mite chungah a lâwm si ṭhîn a; Thuhnuairawlhte chu chhandamnain a timawi ang.

⁵Mi thianghlimte chu ropuinaah lâwm takin awm sela; An khumlaizâwlah hlimin zai rawh se.

⁶Pathian chawimawia fakna chu an kâah awm sela, Khandaih hriam tawn an kutah awm bawk rawh se;

⁷Hnam tin chunga phuba laa, Mi tin chunga hremna thlentîr tûr leh,

⁸An lalte chu khaidiata phuara, An mi ṭhate chu thîrkawlte buntîr tûr leh,

⁹Rorêl ziak saa an chunga rêl tûrin: Chu chawimawina chu a mi thianghlim zawng zawng chuan an nei hlawm a. LALPA chu fak rawh u.