Read Mizo_Old_version Sam 24 Bible Online

Sam 24 - Mizo_Old_version bible

Sam 24

¹Leilung leh a chhûnga thil awm zawng zawng hi LALPA ta a ni a, Khawvêl leh a chhûnga chêngte nên hian.

²Tuifinriat chungahte amahin a din a ni si a, Luipui chungahte pawh a tinghet bawk a.

³ LALPA tlângah tu nge chho vanga, A hmun thianghlimah tu nge ding ang?

⁴Kut fai leh thinlung thianghlim neia, A rilru engmahlo mai mai lama dah ngai lova, Bum tuma chhechham ngai lo mi chu.

⁵Ani chuan LALPA hnên ata malsâwmna a dawng ang a, A chhandamtu Pathian hnên ata felna a dawng bawk ang.

⁶Pathian zawngtute chu chutiang chu an ni, Aw Jakoba Pathian, i hmêl zawngtute chu. (Selah)

⁷Aw kulh kawngkâte u, in lu chungte kha chawi sâng ula; Nangni kawngkhâr hlunte u, inkhai sâng rawh u; Tichuan, ropuina Lal hi a lo lût dâwn nia.

⁸Ropuina Lal chu tu nge ni? LALPA chak tak leh thiltithei tak, LALPA, indonaa thiltithei tak chu a ni.

⁹Aw kulh kawngkâte u, in lu chungte kha chawi sâng ula, A ni, kawngkhâr hlunte u, chawi sâng rawh u; Tichuan, ropuina Lal hi a lo lût dâwn nia.

¹⁰Chu ropuina Lal chu tu nge ni? Sipaihote LALPA chu, Amah ngei hi ropuina Lal chu a ni. (Selah)